BAKI,VOA, Fərid Mikayılov
İran Xarici İşlər Nazirliyi yeni ali lider Müctəba Xameneinin yaralandığını təsdiqləyib.
VOA xəbər verir ki, İran Xarici İşlər Nazirliyinin sözçüsü İsmayıl Bəqai bu barədə İtaliyanın “Corriere della Sera” qəzetinə müsahibəsində məlumat verib.
Diplomat bildirib ki, Müctəba Xamenei yaralansa da, vəziyyəti stabildir.
“Onun yaralandığını təsdiqləyirik, lakin özünü yaxşı hiss edir. İlk çıxışını nə vaxt edəcəyini bilmirəm. Ali lider postuna üç və ya dörd namizəd var idi, lakin Ekspertlər Şurasının əksəriyyəti konstitusiyaya uyğun olaraq onu seçdi” – deyə Bəqai qeyd edib.
Qeyd edək ki, bundan əvvəl CNN telekanalı mənbələrə istinadən yeni ali lider Müctəba Xameneinin ABŞ və İsrailin İrana qarşı bombardmanlarının ilk günündə yaralandığını bildirmişdi.
