BAKI,VOA, Fərid Mikayılov
"New York Academy of Art" yetkinlik yaşına çatmayan qızlara qarşı cinsi istismar və fahişəlik şəbəkəsi yaratmaq ittihamları ilə mühakimə olunarkən həbsdə ölü tapılan Cefri Epşteyn tərəfindən edilən ianələri insan alverinin qurbanı olan uşaqlara dəstək göstərən bir quruma köçürəcəyini açıqlayıb.
VOA xəbər verir ki, Amerika Birləşmiş Ştatları Ədliyyə Departamenti tərəfindən yayımlanan yeni sənədlər akademiya ilə Epşteyn arasında mövcud olan əlaqələrin əvvəl düşünüləndən daha geniş olduğunu ortaya qoyub.
Qeyd olunub ki, akademiyanın qurucuları arasında məşhur rəssam Andy Warhol da yer alır.
Akademiyanın idarə heyəti tərəfindən tələbələrə və məzunlara göndərilən elektron məktubda qurumun Epşteyn ilə əlaqələrinə görə təəssüf hissi keçirdiyi bildirilib.
Məktubda qeyd olunub ki, Epşteynin cinayətləri üzə çıxdıqdan sonra akademiya ondan ianə qəbul etməməli idi və bu məsələdə qurum “ciddi mühakimə və idarəetmə səhvləri” edib.
Bildirilib ki, Epşteyn tərəfindən akademiyaya bağışlanan 65 min 900 dollar insan alverinin qurbanı olan qız uşaqlarına dəstək göstərən bir təşkilata köçürüləcək.
