BAKI,VOA, Fərid Mikayılov
ABŞ Prezidenti Donald Trampın İrana qarşı irəli sürdüyü sərt ültimatumun vaxtı yaxınlaşdıqca, qlobal bazarlarda qarışıq tendensiya müşahidə olunur.
VOA xəbər verir ki, investorlar Vaşinqtonun Tehran qarşısında qoyduğu "ya razılaşma, ya da mülki infrastrukturun məhvi" tələbinin mümkün nəticələrini həyəcanla gözləyirlər.
Hərbi müdaxilə təhlükəsi enerji daşıyıcılarının qiymətinə birbaşa təsir göstərib. Hazırda Brent markalı neft: 1% artaraq barrel başına 111 dollar səviyyəsinə çatıb.
Benzin qiymətləri: ABŞ-da yanacağın orta alon qiyməti 4,12 dollara yüksəlib. Müharibə başlamazdan əvvəl bu rəqəm 3 dollardan aşağı idi.
Avropa və Asiya birjalarında son durum
ABŞ-ın şərq sahili vaxtı ilə axşam saat 20:00-da bitəcək ültimatum öncəsi birjalarda müxtəlif hərəkətlilik qeydə alınıb:
- Avropa: Euro Stoxx 50 və Stoxx 600 indeksləri 0,5% artım göstərib. Fransanın CAC 40 və İtaliyanın FTSE MIB indeksləri 1%-ə yaxın prim qazanıb.
- Asiya: Honkonqun Hang Seng indeksi 0,8% gerilədiyi halda, Avstraliyanın ASX 200 və Tayvanın Taiex indeksləri 2% bahalaşıb.
Təhlükəsiz liman axtarışında olan investorlar qızıla yönəliblər. Qızılın qiyməti 0,77% artaraq 4 685 dollara yüksəlib. Gümüş isə ons başına 72,95 dollar səviyyəsində qərarlaşıb.
Donald Tramp sosial media vasitəsilə İrana verdiyi müddətin bitməsinə saatlar qalmış təhdidini yeniləyib. O, razılaşma əldə olunmayacağı təqdirdə İranın enerji infrastrukturu və mülki obyektlərinin, o cümlədən elektrik stansiyalarının hava zərbələri ilə "tamamilə yerlə bir ediləcəyini" bildirib.
