BAKI,VOA Orxan Qədirzadə
ABŞ-ın tanınmış milyarderi İlon Mask ilə “Apple” şirkətinin baş icraçı direktoru Tim Kukun Çinin paytaxtı Pekində iştirak etdikləri rəsmi ziyafət zamanı çəkilən görüntüləri sosial şəbəkələrdə geniş rezonans doğurub.
VOA xəbər verir ki, rəsmi mərasim zamanı çəkilən bir foto anı xüsusilə diqqət çəkib. Həmin görüntüdə Tim Kuk gülümsəyərək kameraya baxdığı halda, İlon Maskın üz ifadəsi və qeyri-adi mimikası sosial media istifadəçilərinin diqqətini cəlb edib və qısa zamanda müzakirə mövzusuna çevrilib.
Məlumata görə, Mask və Kuk ABŞ-ı təmsil edən nümayəndə heyətinin tərkibində Çinə səfər edən iş adamları və rəsmi şəxslərlə birlikdə Pekində keçirilən tədbirlərdə iştirak ediblər. Səfər ABŞ Prezidenti Donald Trampın Çinə etdiyi rəsmi səfər çərçivəsində baş tutub və yüksək səviyyəli görüşlərdə Çin rəhbərliyi ilə danışıqlar da nəzərdə tutulub.
Rəsmi ziyafət zamanı çəkilən kadrlar sosial mediada sürətlə yayılıb. Görüntülərdə İlon Maskın kameralar qarşısında daha sərbəst və qeyri-adi mimikalarla davranması, Tim Kuk isə daha ciddi və təmkinli görünməsi diqqət çəkən əsas məqamlardan biri olub.
Qısa müddət ərzində milyonlarla baxış toplayan görüntü sosial şəbəkələrdə geniş müzakirələrə səbəb olub. İstifadəçilərin bir qismi Maskın davranışını onun adət etdiyi sərbəst üslubu ilə izah etsə də, digərləri bu anı rəsmi tədbir üçün qeyri-adi hesab edib.
Eyni zamanda, bəzi şərhlərdə iki texnologiya nəhənginin fərqli davranış tərzləri müqayisə olunub və onların ictimai görüntülərdə özünüifadə üsullarının fərqliliyi vurğulanıb.
