BAKI,VOA,Yusif Şərifzadə
Birləşmiş Millətlər Təşkilatının Yəmən üzrə xüsusi elçisi Hans Qrundberq ölkədə təhlükəsizlik vəziyyətinin pisləşməsindən dərin narahatlıq ifadə edib. O, tərəfləri təmkinli davranmağa və qarşıdurmanın genişlənməsinə yol verməməyə çağırıb.
VOA xəbər verir ki, BMT-nin Yəmən üzrə xüsusi elçisi Hans Qrundberq sosial şəbəkədəki paylaşımında ölkədəki son hadisələrlə bağlı narahatlığını açıqlayıb.
Bəyanatda qeyd olunub ki, Yəmənin Səudiyyə Ərəbistanının dəstəklədiyi hökuməti husilərin nəzarətində olan Səna Beynəlxalq Hava Limanına zərbə endirib. Rəsmi Səna bu addımın İran təyyarəsinin enişinin qarşısını almaq məqsədi daşıdığını bildirib.
Yəmən hökuməti həmçinin bütün hava limanlarının növbəti göstərişə qədər bağlandığını açıqlayıb və ölkənin hava məkanının pozulmasına icazə verilməyəcəyini bildirib.
Hans Qrundberq bütün tərəfləri təmkinli olmağa çağıraraq, mövcud vəziyyətin daha geniş qarşıdurmaya çevrilməsi riskinin olduğunu vurğulayıb.
BMT nümayəndəsi bildirib ki, Yəməndə uzunmüddətli sabitliyin təmin edilməsi üçün gərginliyin azaldılması və diplomatik səylərin davam etdirilməsi vacibdir.
