Bakı. AzerVoice:
İsrail qüvvələri Nablusdakı Balata Fələstinli Qaçqınlar Düşərgəsinə basqın edib.
AzerVoice xəbər verir ki, bu barədə Fələstin Qızıl Aypara Cəmiyyətindən açıqlama verilib.
İsrail əsgərləri İordan çayının qərb sahilinin şimalında yerləşən Nablus şəhərində bir fələstinlini öldürüb, səkkiz nəfəri yaralayıb.
Sosial mediada paylaşılan görüntülərdə İsrail əsgərlərinin öldürdükləri, qan içində olan fələstinlini sürüyərək cəsədini müsadirə etdikləri görülüb.
Məlumat üçün qeyd edək ki, İordan çayının qərb sahili və Şərqi Qüdsdə İsrail əsgərləri və israillilərin hücumları nəticəsində ölən fələstinlilərin sayı 7 oktyabr 2023-cü ildən bu yana 523-ə yüksəlib.
Hafiz Rufizoğlu
