BAKI,VOA,Yusif Şərifzadə
Birləşmiş Millətlər Təşkilatının Baş katibi Antonio Quterreş HƏMAS-la bağlı əldə olunmuş razılaşmanı son günlərin yeganə müsbət xəbəri adlandırıb.
VOA xəbər verir ki, Antonio Quterreş açıqlamasında razılaşmanı alqışlayaraq bunun son günlər ərzində baş verən hadisələr fonunda ümidverici addım olduğunu bildirib.
Baş katib vurğulayıb ki, bölgədə bütün cəbhələrdə hərbi əməliyyatlar dayandırılmalıdır.
Antonio Quterreş qeyd edib ki, Körfəz bölgəsində hərbi gərginliyin başlanmasından artıq altı ay keçir.
Onun sözlərinə görə, əvvəlcə regional xarakter daşıyan qarşıdurma getdikcə qlobal sabitliyə təsir göstərən amilə çevrilir.
Baş katib beynəlxalq ictimaiyyəti gərginliyin daha da artmasının qarşısını almaq üçün diplomatik səyləri gücləndirməyə çağırıb.
