Bakı. AzerVoice:

Gürcüstanın baş naziri İrakli Qaribaşvili Azərbaycan və Ermənistanın tezliklə sülh müqaviləsi imzalayacağına ümid etdiyini bildirib.

AzerVoice xəbər verir ki, Qaribaşvili bu barədə Davos İqtisadi Forumunun panel müzakirəsində çıxışında deyib.

"Azərbaycan və Ermənistan liderlərinin mövqeyi, onların bir-biri ilə ikitərəfli səviyyədə münasibətlərə malik olmaq istədikləri mənə məlumdur. Şəxsən mənim fikrimcə, bu doğru yoldur, çünki vasitəçilərin və maraqlı tərəflərin sayı bu qədər çox olanda bəzən proses daha münaqişəli və əks-səmərəli xarakter alır.

Gürcüstanın qonşu ölkələrlə çox sıx və tərəfdaş əlaqələri var, onlar bizim qardaşlarımız və dostlarımızdır. Buna görə də onlara uğurlar arzulayıram", - deyə İrakli Qaribaşvili bildirib.