Bakı. AzerVoice:
Bütün dövlətləri Qəzza övladları ilə bərabər insanlığın şərəf və ləyaqətini qorumağa, nəzarətdən çıxan İsrail barbarlığına qarşı açıq mövqe tutmağa çağırıram.
AzerVoice xəbər verir ki, bu barədə Türkiyə Prezidenti Rəcəb Tayyib Ərdoğan öz X sosial media hesabından paylaşım edib. Paylaşımı sizə təqdim edirik:
"Beynəlxalq Münaqişənin Qurbanları Günahsız Uşaqlar Günündə yeddi oktyabrdan bəri Qəzzada vəhşicəsinə qətlə yetirilən 15 mindən çox uşağı kədərlə yad edirəm.
Qəzzada təkcə uşaqlar və körpələr deyil, bəşəriyyət də qətlə yetirilir. Təəssüf ki, dünya bu sınaqdan çıxa bilmədi.
Bu özəl günü elan edən Birləşmiş Millətlər Təşkilatını Qəzzada aylardır bombalarla günahsız uşaqların qətliamına qarşı konkret addım atmağa, dünyanın beşdən böyük olduğu anlayışı ilə hərəkətə keçməyə dəvət edirəm.
Mən bütün dövlətləri Qəzza övladları ilə birlikdə bəşəriyyətin şərəf və ləyaqətini qorumağa və nəzarətdən çıxan İsrail barbarlığına qarşı açıq mövqe ortaya qoymağa çağırıram.
Türkiyə olaraq başda Qəzza olmaqla dünyanın hansı yerində məzlum, qərib bir insan varsa, harada uşaqlar öldürülürsə, harada aclıq və yoxsulluq sınağına məruz qalırlarsa əlimizi uzatmağa, daha ədalətli bir dünyanın mümkün olacağı inancı ilə səylə çalışmağa davam edəcəyik."
