Kral Əbdüləziz Universiteti Baş Nəqliyyat İdarəsi ilə tərəfdaşlıq çərçivəsində Səudiyyə Ərəbistanında və Körfəz regionunda ilk dəfə dəmir yolu nəqliyyatı üzrə ixtisaslaşdırılmış bakalavr proqramlarına başlayıb.
Yeni tədris proqramı çərçivəsində tələbələrə iki əsas istiqamət təklif olunur: dəmir yolu mühəndisliyi və planlaşdırılması, habelə logistika idarəetməsi və dəmir yolu nəqliyyatı xidmətləri. Hər iki ixtisas ölkənin nəqliyyat və əmək bazarının real ehtiyaclarına uyğunlaşdırılıb.
Səudiyyə Ərəbistanı Həcc mövsümü üçün nəqliyyat sistemini genişləndirir - Hansı yeniliklər var?
Rəsmi qurumlar bildirir ki, Ər-Riyad Metrosu, Hərəmeyn Sürət Qatarı, Ciddə Metrosu və qonşu ölkələrlə planlaşdırılan regional xətlər kimi irimiqyaslı layihələri idarə etmək üçün yüksəkixtisaslı yerli mühəndis və idarəçilərin hazırlanması zəruridir.
Mütəxəssislər qeyd edirlər ki, proqram Çin, Almaniya, Britaniya və İsveçrə təcrübəsinə əsaslanaraq dəmir yoluna sadəcə qatar və rels kimi deyil; mühəndislik, süni intellekt, logistika, təhlükəsizlik və şəhər planlaşdırmasını birləşdirən vahid bir ekosistem kimi yanaşır.
2026–2027-ci tədris ilindən start götürən bu təşəbbüs "Səudiyyə Vizyonu 2030" hədəfləri çərçivəsində milli nəqliyyat sektorunda yerli kadr potensialını gücləndirməyi hədəfləyir.
