Bakı. AzerVoice:
Parla Akademiyada İngilis dilində “Debat və Natiqlik” proqramına başlanıb.
AzerVoice xəbər verir ki, proqram çərçivəsində “Robotlaşma insanın həyat keyfiyyətinə müsbət təsir edir” mövzusunda şou - debat təşkil edilib.
Proqramın açılış mərasimi kursun rəhbəri Nəsib İbrahimovun çıxışı ilə başlayıb.
O bildirib ki, proqramın məqsədi gənclərin İngilis dilində səlis nitq, analitik düşünmə bacarıqlarının, araşdırma və əsaslandırma qabiliyyətlərinin inkişafını təmin etməkdir. Daha sonra kursun debatçı müəllimi Aytən Cəbrayılova yeni başlayan Debat proqramı çərçivəsində baş tutacaq tədbirlər, yarışlar və natiqlik təlimləri barədə ətraflı məlumat verib.
Şou – debatda Dövlət Gömrük Komitəsinin Akademiyası və Bakı Dövlət Universitetinin təcrübəli debatçıları və Parla Akademiyanın azyaşlı tələbələri Azərbaycan və İngilis dillərində çıxışlar ediblər.
Şou – debat Parla Akademiyanın tələbələri arasında yüksək maraqla qarşılanıb, bununla yanaşı proqram üçün nəzərdə tutulan debat yarışları üçün tələbələr öz komandalarını formalaşdırmağa başlayıb.
Hafiz Rufizoğlu
Xəbərlərimizi “WhatsApp” kanalımızdan oxuyun
