BAKI, AzerVoice, Azər Hüseynov Tarixçi, İstanbul Zaim Universitetinin Tarix və Mədəniyyət Bölümü Doktorantı, Qafqaz Etno-Sosial Araşdırmalar Mərkəzinin eksperti, xüsusi olaraq AzerVoice üçün
İnsan özü üçün oxuduqları və eşitdiklərini xülasə etməlidir. Bu çox önəm daşıyır. Xülasə edib özü üçün qeydiyyat aparsa bu da çox faydalı olar. Xüsusi ilə insanları Allaha dəvət edəndə. Hər bir şey bu həyatda bir ayənin sanki tətbiqidir. Sən onu görürsən. Əlhəmdülillah. Uzun illər öncə etdiyim qeydlərimin içərisində var gəl edərkən bir mütəfəkkirin sözlərinə rast gəldim:
"Ey insanları Allaha dəvət edən, bil ki, bu yolda səni aşağıda olan maneələr gözləyir. Birincisi, şərrindən Allaha sığınırıq şeytan. O istəməz ki, insanlar Allahın yoluna gəlsin. Daha sonra sənin qarşına açıq maneə qoyan kafirlər. Quran deyir ki, onlar istəyir ki, hamı onlar kimi kafir olsun. Daha sonra münafiqlər. Onlar bunu aşkar istəməz. Lakin bunun üçün çalışar. Daha sonra təəssüf ki, bəzən hansı isə bir səbəbdən səndən qısqanan qardaşın. Nəhayət, pisliyi əmr edən nəfs". Bu qeyd köhnə qeydlərimdən idi.
Doğrudan da bu belədir. Bu arada Uca Allahın Nuh əleyhissəlam haqqında Nuh surəsindəki ayələr düşdü:
﴿ قَالَ رَبِّ إِنِّي دَعَوْتُ قَوْمِي لَيْلًا وَنَهَارًا ﴾
﴿ فَلَمْ يَزِدْهُمْ دُعَائِي إِلَّا فِرَارًا ﴾
﴿ وَإِنِّي كُلَّمَا دَعَوْتُهُمْ لِتَغْفِرَ لَهُمْ جَعَلُوا أَصَابِعَهُمْ فِي آذَانِهِمْ وَاسْتَغْشَوْا ثِيَابَهُمْ وَأَصَرُّوا وَاسْتَكْبَرُوا اسْتِكْبَارًا ﴾
﴿ ثُمَّ إِنِّي دَعَوْتُهُمْ جِهَارًا ﴾
﴿ ثُمَّ إِنِّي أَعْلَنتُ لَهُمْ وَأَسْرَرْتُ لَهُمْ إِسْرَارًا ﴾
﴿ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ﴾
5. Nuh dedi: “Ey Rəbbim! Mən öz qövmümü gecə-gündüz dəvət etdim.”
6. “Lakin mənim dəvətim onların yalnız qaçmasını artırdı.”
7. “Mən onları bağışlaman üçün çağırdıqca, barmaqlarını qulaqlarına tıxayır, paltarlarına bürünür, inad edir və təkəbbürlərini artırırdılar.”
8. “Sonra mən onları açıq-aşkar çağırdım.”
9. “Sonra həm açıq şəkildə elan etdim, həm də gizlicə yanlarına gedib gizli şəkildə dəvət etdim.”
Buna sünnətullah deyilir. Lakin bu insanı daha da ruhlandırır. Niyə ? Çünki Allah Quranda Mühüm misal gətirir. Onu şərəfləndirir. Ona görə hər bir mömin də bu şərəf payını almağa çalışmalıdır.
