Küveyt Mərkəzi Statistika İdarəsinin rəsmi məlumatlarına əsasən, 2026-cı ilin iyun ayının sonuna olan vəziyyətə görə, ölkədə boşanmış Küveyt vətəndaşlarının ümumi sayı 45 103 nəfərə çatıb. Statistik rəqəmlərə görə, boşanmış qadınlar ümumi göstəricidə daha böyük paya sahib olub: belə ki, 27 698 qadın vətəndaşa qarşı 17 405 kişi vətəndaş qeydə alınıb. ( Qeyd edək ki, Küveytdə çoxevlilik rəsmi olaraq icazələdir)
Məlumatlar həmçinin göstərir ki, 35–49 yaş aralığında olan vətəndaşlar boşanmış küveytlilər arasında ən böyük yaş qrupunu təşkil edir.
Eyni zamanda, statistikada yaşı 20-dən aşağı olan təxminən 46 boşanmış vətəndaş qeydə alınıb ki, bu da boşanma hallarının daha gənc yaş qrupları arasında da baş verdiyini nümayiş etdirir.
Bu rəqəmlər Küveyt vətəndaşlarının ailə vəziyyətinə dair ümumi mənzərəni təqdim edir və Mərkəzi Statistika İdarəsi tərəfindən dərc olunan rəsmi demoqrafik məlumatların tərkib hissəsini təşkil edir.
