BAKI, AzerVoice
Suriyanın Xarici işlər naziri Əsəd əl-Şeybani, Əsəd rejiminin süqutundan sonra BMT-nin İnsan Hüquqları Şurası tərəfindən qəbul edilən ilk qətnaməni alqışlayıb.
AzerVoice xəbər verir ki, ba haqda Əl-Şeybani, X platformasında paylaşdığı açıqlamada deyilir.
“Bu qətnamə, çətinlik və maneələrə baxmayaraq, insan haqlarını qorumaq istiqamətində atdığımız yerli və beynəlxalq səylərin əksidir”, - deyə Şeybani bildirib.
O, illər boyunca suriyalıların hüquqlarının bütün beynəlxalq platformalarda ön planda saxlanması üçün yorulmadan çalışan ölkələrə, vətəndaş cəmiyyəti təşkilatlarına və qurbanlarla sağ qalanların assosiasiyalarına təşəkkürünü bildirib.
Əl-Şeybani xüsusilə əsas koalisiyanın (Core Group) və qətnamə layihəsinin əsas təşəbbüskar dövləti olan Böyük Britaniyanın rolunu yüksək qiymətləndirərək, Suriyanın bu dəfə qətnamənin hazırlanmasında ilk dəfə müsbət və konstruktiv şəkildə iştirak etməsindən qürur duyduğunu qeyd edib.
O, yeni Suriyanın azadlıq, ləyaqət və ədalət prinsipləri üzərində bütün suriyalılar üçün təhlükəsiz bir vətən olacağını bəyan edib.
Qeyd edək ki, İnsan Hüquqları Şurasının qətnaməsində Əsəd rejiminin devrilməsi və onun törətdiyi cinayətlər qeyd olunub, habelə, yeni hökumətin qurulması müsbət qarşılanıb. Eyni zamanda, qətnamədə iqtisadi sanksiyalar və İsrailin hüquq pozuntuları məsələlərinə də toxunulub.
