İkinci Azərbaycan Beynəlxalq İnvestisiya Forumu: Azərbaycan investorlar üçün nə vəd edir?
Bu ilin 25-26 sentyabr tarixlərində Bakıda Azərbaycan Respublikasının Prezidenti cənab İlham Əliyevin himayəsi altında İkinci Azərbaycan Beynəlxalq İnvestisiya Forumu keçiriləcək.
“Rəqəmsal platforma təsirçisi” adlı uçot təsnifatı yaradılıb
İqtisadiyyat Nazirliyi yanında Dövlət Vergi Xidməti (DVX) tərəfindən rəqəmsal iqtisadiyyatın inkişafı və sosial media platformaları üzərindən gəlir əldə edən şəxslərin (blogerlərin və infulenserlərin) fəaliyyətinin hüquqi çərçivədə tanınması, eləcə də uçotun şəffaflaşdırılması istiqamətində rəqəmsal vergi inzibatçılığının təkmilləşdirilməsi davam etdirilir.
2026-cı ilin 7 ayında sahibkarlara 1191 lisenziya verilib
2026-cı ilin yanvar-iyul aylarında Azərbaycanda sahibkarlara 1191 lisenziya verilib. Onlardan 807-si elektron formada təqdim olunub. Ümumilikdə isə İqtisadiyyat Nazirliyi tərəfindən sahibkarlara 20 min 220 lisenziya təqdim edilib. Verilən lisenziyaların əsas hissəsi tikinti, əczaçılıq, özəl tibb və rabitə sahələrini əhatə edib. Elektron lisenziyaların sayı 2018-ci ildən etibarən 7963-ə çatıb. Hazırda 23 sahibkarlıq fəaliyyəti növü üzrə lisenziyalar İqtisadiyyat Nazirliyi tərəfindən verilir. Sahibkarlar müraciətləri "ASAN xidmət", KOB evləri və elektron portal vasitəsilə edə bilərlər. Sənədlər düzgün təqdim edildikdə lisenziya ən geci 10 iş günü ərzində təqdim olunur.
Mentorluq proqramı çərçivəsində "Yüksəliş" müsabiqəsinin qalibləri ilə növbəti görüş keçirilib
İqtisadiyyat naziri Mikayıl Cabbarov "Yüksəliş" müsabiqəsinin qalibləri Elnur Məmmədli və Kamran Ələsgərovla növbəti mentorluq görüşünü keçirib. Görüşdə idarəçilik, strateji qərarların qəbulu və iqtisadi transformasiya şəraitində peşəkar inkişaf məsələləri müzakirə olunub. Həmçinin fərdi inkişaf planı çərçivəsində görülən işlər və əldə olunan nəticələr dəyərləndirilib. Tərəflər müasir idarəetmə yanaşmaları və rəhbərlik bacarıqlarının inkişafı barədə fikir mübadiləsi aparıblar. Görüş Mentorluq proqramı çərçivəsində təşkil olunub. Proqramın məqsədi gənc rəhbər kadrların peşəkar inkişafına dəstək verməkdir.
Azərbaycan və Çexiyanın “Agrofert” Şirkətlər Qrupu əməkdaşlıq imkanlarını müzakirə edib
İqtisadiyyat naziri Mikayıl Cabbarov Çexiyanın “Agrofert” Şirkətlər Qrupunun nümayəndələri ilə görüş keçirib. Görüşdə Azərbaycan və Çexiya arasında iqtisadi-ticarət əlaqələrinin inkişaf perspektivləri müzakirə olunub. Tərəflər aqrar-sənaye, kimya sənayesi və enerji sahələrində əməkdaşlıq imkanlarını nəzərdən keçiriblər. Azərbaycanın investisiya mühiti və qeyri-neft-qaz sektorunda aparılan islahatlar barədə məlumat təqdim olunub. Sahibkarlığa dövlət dəstəyi mexanizmləri də görüşün əsas mövzularından biri olub. Həmçinin investisiya layihələri üzrə birgə fəaliyyət imkanları müzakirə edilib. Tərəflər iqtisadi əməkdaşlığın genişləndirilməsində maraqlı olduqlarını bildiriblər.
Mikayıl Cabbarov Rumıniya Prezidentinin müşavirini qəbul etdi
Azərbaycan ilə Rumıniya arasında iqtisadi və ticarət əməkdaşlığının əsas istiqamətləri, qarşılıqlı investisiyaların təşviqi müzakirə olunub. Tərəflər enerji, tranzit və rəqəmsal infrastruktur sahələrində əməkdaşlığın genişləndirilməsinin əhəmiyyətini vurğulayıblar. Qeyd olunub ki, bu istiqamətlərdə həyata keçirilən birgə layihələr ölkələr arasında strateji tərəfdaşlığın daha da möhkəmlənməsinə, regional əlaqələrin inkişafına və yeni iqtisadi imkanların formalaşmasına töhfə verir.
Bakı 14-cü Özəl Sektor Forumuna ev sahibliyi edəcək: 1500-dən çox iştirakçı gözlənilir
Bakı 16–19 iyun tarixlərində 14-cü Özəl Sektor Forumuna ev sahibliyi edəcək. Forum İslam İnkişaf Bankı Qrupunun İllik Toplantıları çərçivəsində keçiriləcək. Tədbirin əsas mövzusu regional inteqrasiya və dayanıqlı iqtisadi inkişafdır. Forumda ticarət, investisiya, enerji, texnologiya və maliyyə sahələrində əməkdaşlıq imkanları müzakirə olunacaq. Dünyanın müxtəlif ölkələrindən 1500-dən çox iştirakçının Bakıya gəlməsi gözlənilir. Proqramda sərgi, startap müsabiqəsi və işgüzar görüşlər də nəzərdə tutulub. Tədbir dövlət və özəl sektor arasında əməkdaşlığın genişlənməsinə töhfə verməyi hədəfləyir. Forum Azərbaycanın beynəlxalq iqtisadi platforma kimi rolunu daha da gücləndirəcək.
Azərbaycan-BƏƏ Hərtərəfli İqtisadi Tərəfdaşlıq Sazişi qüvvəyə minib
Birləşmiş Ərəb Əmirlikləri ilə imzalanmış Hərtərəfli İqtisadi Tərəfdaşlıq Sazişi ölkələrimiz arasında iqtisadi işbirliyinin gücləndirilməsi, ticarətin liberallaşdırılması və asanlaşdırılmasını hədəfləyir. 9 iyul 2025-ci ildə Azərbaycan və Birləşmiş Ərəb Əmirlikləri (BƏƏ) arasında imzalanmış Hərtərəfli İqtisadi Tərəfdaşlıq Sazişi (CEPA) qüvvəyə minib.
İqtisadiyyat Nazirliyində keçirilən görüşdə AYİB-lə əməkdaşlıq imkanları müzakirə edilib
İqtisadiyyat Nazirliyində AYİB-lə görüşdə infrastrukturun təkmilləşdirilməsi, şəhərsalma layihələri və Gəncə ilə Naxçıvanda həyata keçirilən tədbirlər müzakirə olunub, əməkdaşlığın prioritet istiqamətləri müəyyən edilib.
Pakistanın Pəncab əyalətinin baş naziri ilə görüş keçirilib
Azərbaycan və Pakistan Pəncab əyalətinin baş naziri ilə görüşdə investisiya, ticarət, enerji və sənaye sahələrində əməkdaşlığın genişləndirilməsi müzakirə olunub, Preferensial Ticarət Sazişi iqtisadi əlaqələrin möhkəmlənməsində əsas rol oynayır.
Ələt Azad İqtisadi Zonası Efiopiyalı investorlara təqdim olunub
BAKI, VOA Efiopiya ilə iqtisadi-ticarət əlaqələrinin inkişafı, investisiya əməkdaşlığının genişləndirilməsi, sənaye, enerji və kənd təsərrüfatı sahələrində tərəfdaşlıq imkanları müzakirə olunub. VOA bu barədə İqtisadiyyat Nazirliyinə istinadən xəbər verir.
Vergi yükü azalır, yoxsa artır? – Rəsmi açıqlama
İqtisadiyyat Nazirliyi yanında Dövlət Vergi Xidməti-nin baş idarə rəisi Nicat İmanov vergi qanunvericiliyində edilən son dəyişikliklərlə bağlı ictimaiyyətdə yaranan yanlış təsəvvürlərə aydınlıq gətirib. O, Bakıda keçirilən Vergi və Mühasibatlıq Zirvəsi zamanı bildirib ki, bu dəyişikliklərin əsas məqsədi vergi yükünü artırmaq deyil, onu optimallaşdırmaq və biznes mühitini daha əlverişli etməkdir.
