2026 Dünya Kuboku öncəsi İran milli futbol komandası üçün vizalar verilib
2026 Dünya Kuboku öncəsi İran milli futbol komandası üçün vizalar verilib. Komanda oyunlara Meksikada yerləşən hazırlıq bazasından ABŞ-a uçaraq qatılacaq. ABŞ-İsrail-İran münaqişəsi səbəbindən federasiya hazırlıq bazasını Arizona ştatından Tijuana şəhərinə köçürüb və FIFA-dan təsdiq alıb. Turnir ABŞ, Meksika və Kanada tərəfindən birgə təşkil edilir. Bu qərar komandanın təhlükəsizliyi və turnirə hazırlıq prosesinin optimal olması məqsədilə atılıb.
FIFA İran rəsmiləri ilə görüş keçirəcək
FIFA rəsmiləri Iranın Dünya Kubokundakı iştirakı ilə bağlı İran Futbol Federasiyasının nümayəndələri ilə görüş keçirəcək. Görüşün əsas məqsədi İran millisinin turnirdə iştirak imkanları ilə bağlı narahatlıqları aradan qaldırmaq və federasiyaya təminat verməkdir.
ABŞ-dan FİFA-ya sensasion təklif: İranın yerinə İtaliya?
ABŞ Prezidenti Donald Trampın xüsusi elçisi Paolo Zampollinin FIFA-ya müraciət edərək qarşıdan gələn Dünya Kubokunda İranın əvəzinə İtaliyanın iştirakını təklif etdiyi iddia olunur. Zampolli bildirib ki, “Azzurri”nin ABŞ-ın ev sahibliyi etdiyi turnuvada çıxış etməsi onun üçün “arzu”dur və dördqat dünya çempionu olan komandanın qatılması üçün kifayət qədər əsas mövcuddur.
Messi 2026 Dünya Çempionatını buraxa bilər
Argentinalı futbol ulduzu Lionel Messi 2026-cı il Dünya Çempionatında iştirak etməyə bilər. Ekspertlər bildirir ki, turnirdə iştirak üçün Messinin fiziki forması həlledici rol oynayacaq, çünki Dünya Çempionatında MLS-dən daha yüksək səviyyədə fiziki hazırlıq tələb olunur.
Neymar 2026 Dünya Çempionatında oynaya biləcəkmi?
Braziliya futbolunun əfsanəvi simalarından biri olan Neymar diz əməliyyatından sonra rəsmi şəkildə bərpa prosesinə başlayıb. 33 yaşlı hücumçu dekabrın 22-də sol dizindən əməliyyat keçirib. Qısa istirahət mərhələsindən sonra Neymar yanvarın 9-da doğma klubu Santosun məşq bazasında fiziki hazırlıq proqramına start verib. Klubun idman zalında məşq edən futbolçunun əhval-ruhiyyəsinin yüksək olduğu bildirilir.
2026 Dünya Kuboku ilk dəfə 48 komanda ilə keçiriləcək
ABŞ, Meksika və Kanada tərəfdaşlığında keçiriləcək 2026 Dünya Kubokuna qatılacaq 42 ölkə rəsmən müəyyənləşib. Turnirin qalan 6 bileti isə mart ayında keçiriləcək Avropa və qitələrarası pley-off oyunlarının ardından sahibini tapacaq. ABŞ, Kanada və Meksikanın ev sahibliyi edəcəyi Dünya Kuboku 11 iyun – 19 iyul 2026 tarixlərində baş tutacaq. 1998-ci ildən bəri 32 komanda ilə keçirilən turnir tarixdə ilk dəfə 48 komanda ilə təşkil olunacaq.
Ramos Dünya Çempionatında iştirak etmək istəyir
Real Madrid-in əfsanəsi Serxio Ramos Meksikanın Monterrey klubundan ayrılaraq Avropaya qayıtmağa hazırdır. Müdafiəçi məqsədini 2026 Dünya Kubokunda İspaniyanı təmsil etməkdə görür və müqaviləsini yeniləməməyi qərara alıb. Ramos Avropada davamlı oyun imkanı ilə İspaniya millisində yenidən şans qazanmaq istəyir. 39 yaşlı müdafiəçi sonuncu dəfə 2021-ci ildə milli komandada oynayıb və bundan sonra Avropa və Dünya turnirlərinin heyətinə daxil edilməyib.
Dünya Çempionatı üçün 1 milyondan çox bilet satılıb
2026-cı ildə keçiriləcək futbol üzrə dünya çempionatı üçün artıq 1 milyondan çox bilet satılıb. Təşkilatçıların məlumatına görə, indiyədək 212 ölkə və regiondan azarkeşlər biletlər əldə ediblər. Bilet satışında ilk onluqda aşağıdakı ölkələr qərarlaşıb:
Türkiyə 2026 Dünya Çempionatında Bolqarıstanla qarşılaşacaq
Türkiyə Milli Futbol Komandası, 2026 FIFA Dünya Çempionatı Avropa Seçmə mərhələsi E Qrupunun üçüncü matçında sabah səfərdə Bolqarıstanla qarşılaşacaq. Portuqaliya Futbol Federasiyasından hakim Luis Godinho oyunu idarə edəcək. Rui Teixeira və Pedro Almeida köməkçi hakim, Miguel Nogueira isə 4-cü hakim olacaq.
Azərbaycan millisi Fransa ilə qarşılaşacaq
Azərbaycan milli komandası bu gün Dünya Çempionatı 2026-nın seçmə mərhələsi çərçivəsində Fransa millisi ilə qarşılaşacaq. Qeyd edək ki, iki turdan sonra təmsilçimiz 1 xal toplayaraq sonuncu pillədə qərarlaşıb. Fransa millisi isə 6 xalla liderdir.
Misir futbol üzrə dünya çempionatına vəsiqə qazanıb
Misirin futbol üzrə milli komandası 2026-cı ildə keçiriləcək dünya çempionatına vəsiqə qazanıb. Məhəmməd Salahın liderlik etdiyi komanda Cibuti yığmasını 3:0 hesabı ilə məğlub edərək mundiala vəsiqə əldə edən 19-cu komanda olub.
Ronaldo 2026 Dünya Çempionatında Portuqaliya üçün həlledici fiqur kimi görülür
Ronaldo milli səviyyədə Avropa çempionluğu və iki UEFA Millətlər Liqası qazanmasına baxmayaraq, Dünya Kuboku hələ də onun karyerasında yeganə çatışmayan uğur olaraq qalır. ABŞ, Kanada və Meksikada keçiriləcək 2026 Dünya Çempionatı, Portuqaliyanın "qızıl nəsil"i ilə birlikdə bu boşluğu doldurmaq üçün ən böyük şans kimi görülür.
