SpaceX Starship 10-cu uçuşunu uğurla icra edib
Dünyanın ən güclü kosmik raketi kimi tanınan Starship, Texas ştatındakı Starbase-dən yerli vaxtla 18:30-da buraxılıb. Səkkiz süni Starlink peykini daşıyan raketin birinci mərhələ gücləndiricisi Super Heavy, buraxılışdan sonra Meksika körfəzinə planlaşdırıldığı kimi enib. Starship, səkkiz süni peyki orbitə yerləşdirmək və Raptor mühərrikini kosmosda yenidən işə salmaq missiyalarını uğurla icra edib. Raket buraxılışdan təxminən bir saat sonra Hind okeanına enib.
ABŞ kosmos siyasətində lisenziyalaşdırma prosesi sadələşdiriləcək
Sənədə əsasən nəqliyyat nazirinə kosmik buraxılış və yenidən giriş lisenziyaları üçün ekoloji yoxlamaları sürətləndirmək və ya ləğv etmək tapşırılıb. Məqsəd 2030-cu ilə qədər yeni kosmik fəaliyyətlərin və buraxılış tezliyinin artırılması ilə ABŞ-ın kosmosdakı mövqeyini möhkəmləndirməkdir. Bəyanatda bildirilib ki, köhnəlmiş və məhdudlaşdırıcı qaydalar ləğv olunacaq, kommersiya lisenziyası və icazə prosesləri sadələşdiriləcək. Kosmos limanı layihələrinin qiymətləndirilməsi ticarət nazirinə həvalə ediləcək və bu proses Müdafiə, Nəqliyyat Departamentləri, eləcə də NASA ilə əlaqələndiriləcək.
NATO kosmos sənayesində özəl sektorla əməkdaşlığı gücləndirir
NATO kosmik sahədə ilk kommersiya strategiyasını təsdiqləyib.
