Türkmənistanın nüfuzlu Orient.tm portalında Azərbaycanın turizm potensialı təqdim olunub
Türkmənistanın nüfuzlu Orient.tm informasiya portalında Azərbaycanın turizm imkanları, əsas turizm istiqamətləri, tarixi-mədəni irsi və təbiəti haqqında məlumat təqdim edən məqalə dərc olunub.
XV Qəbələ Beynəlxalq Musiqi Festivalının açılışı olub
XV Qəbələ Beynəlxalq Musiqi Festivalının rəsmi açılışı keçirilib. Festivalın ilk konsertində Bakı Musiqi Akademiyasının Tələbə Simfonik Orkestri çıxış edib. Fərhad Bədəlbəyli festivalın artıq 15 ildir uğurla təşkil olunduğunu bildirib. Açılış gecəsində Azərbaycan və Avropa bəstəkarlarının əsərləri səsləndirilib. Festival avqustun 3-dək davam edəcək. Tədbirdə doqquz ölkədən musiqiçilər və rəqqaslar iştirak edirlər.
Nazir Məcnun Məmmədov Türkiyənin Dövlət Su İşləri İdarəsinin Baş direktor müavini ilə görüşüb
Kənd təsərrüfatı naziri Məcnun Məmmədov Türkiyənin Dövlət Su İşləri İdarəsinin nümayəndə heyəti ilə görüş keçirib. Görüşdə torpaqların konsolidasiyası və aqrar sahədə əməkdaşlıq əsas müzakirə mövzusu olub. Dövlət Proqramı çərçivəsində həyata keçiriləcək pilot layihələr barədə fikir mübadiləsi aparılıb. Qəbələ və Salyan rayonlarında planlaşdırılan layihələrin gedişi və ilkin qiymətləndirmələrin nəticələri nəzərdən keçirilib. Tərəflər hüquqi, texniki və institusional məsələləri də müzakirə ediblər. Türkiyə təcrübəsinin Azərbaycanda tətbiqinin əhəmiyyəti vurğulanıb. Görüşdə gələcək əməkdaşlığın genişləndirilməsi barədə razılıq ifadə olunub.
Azərbaycanda torpaqların konsolidasiyası mexanizminin yaradılması ilə bağlı Türkiyə təcrübəsi öyrənilir
Azərbaycanda torpaqların konsolidasiyası üzrə ilk pilot layihələr həyata keçiriləcək. Dünya Bankının dəstəyi ilə layihələr Qəbələ və Salyan rayonlarını əhatə edəcək. Bu məqsədlə Türkiyənin Dövlət Su İşləri İdarəsinin nümayəndə heyəti Azərbaycana səfər edib. Səfər zamanı layihələrin icra ediləcəyi ərazilərdə baxış keçirilib və suvarma infrastrukturu qiymətləndirilib. Aidiyyəti dövlət qurumlarının iştirakı ilə müzakirələr aparılıb. Türkiyə təcrübəsi əsasında ilkin yol xəritəsi hazırlanıb. Layihənin aqrar sahədə Azərbaycan–Türkiyə əməkdaşlığını daha da gücləndirəcəyi gözlənilir.
Azərbaycan ukraynalı uşaqlara dəstəyini davam etdirir
Azərbaycana sağlamlıq bərpası və reabilitasiya proqramı çərçivəsində 30 ukraynalı uşaq gəlib. Onlar Ukrayna Fövqəladə Hallar üzrə Dövlət Xidmətinin əməkdaşlarının övladlarıdır. Uşaqları Bakıdakı Heydər Əliyev Beynəlxalq Hava Limanında rəsmi şəxslər qarşılayıblar. Proqram çərçivəsində onlar Qəbələdə istirahət edəcək və sağlamlıqlarını bərpa edəcəklər. Səfər Azərbaycan Respublikasının Əmək və Əhalinin Sosial Müdafiəsi Nazirliyinin dəstəyi ilə təşkil olunub. Müharibə başlayandan bəri artıq 662 ukraynalı uşaq Azərbaycanda bu proqramdan faydalanıb. Təkcə bu ilin əvvəlindən 190 uşaq reabilitasiya imkanından yararlanıb. Proqram Azərbaycan ilə Ukrayna arasında humanitar əməkdaşlığın mühüm nümunələrindən biri hesab olunur.
Leyla Əliyeva Qəbələdə fərdi sərginin açılışında və ağacəkmə aksiyasında iştirak edib
Leyla Əliyeva Qəbələ rayonunda rəssam Yəhya Cəlilovun ilk fərdi sərgisinin açılışında iştirak edib.
Türkiyə turizm sənayesi nümayəndələri üçün Azərbaycana tanışlıq səfəri təşkil olunub
Səfər çərçivəsində iştirakçılar Bakının UNESCO-nun Dünya İrsi Siyahısına daxil edilmiş tarixi-mədəni məkanlarını, eləcə də Şamaxı, İsmayıllı, Qəbələ və Şəki rayonlarını ziyarət edərək ölkənin mədəni irsi, təbii turizm resursları, turizm infrastrukturu və istirahət imkanları ilə tanış olublar.
“Sülh Körpüsü” təşəbbüsü çərçivəsində Qəbələdə Azərbaycan və Ermənistan vətəndaş cəmiyyətlərinin nümayəndələrinin növbəti görüşü keçirilib
Azərbaycanın Qəbələ şəhərində “Sülh Körpüsü” Təşəbbüsü çərçivəsində Azərbaycan və Ermənistan vətəndaş cəmiyyətlərinin nümayəndələrini bir araya gətirən ikitərəfli dəyirmi masa keçirilib. Növbəti görüşdə hər iki ölkədən qeyri-hökumət təşkilatlarının, media qurumlarının və beyin mərkəzlərinin nümayəndələri iştirak ediblər.
Qəbələdə “Qış nağılı” II Beynəlxalq Musiqi Festivalına start verilib
Azərbaycanın dilbər guşələrindən olan Qəbələ şəhəri yenidən öz qapılarını sənətsevərlərin, Beynəlxalq Musiqi Festivalı iştirakçılarının üzünə açıb.Üzeyir Hacıbəyli adına Bakı Musiqi Akademiyasının təşkilatçılığı, Heydər Əliyev Fondu, Mədəniyyət Nazirliyi və “Gilan”ın dəstəyi ilə Qəbələdə artıq ikinci ildir keçirilən “Qış nağılı” II Beynəlxalq Musiqi Festivalı 2009-cu ildən bu şəhərdə ənənəvi təşkil olunan Qəbələ Beynəlxalq Musiqi Festivalının davamı olaraq sənətsevərləri yenidən bir araya gətirib.
Türk Mədəniyyəti və İrsi Fondu prezidentinin Özbəkistana ilk rəsmi səfəri baş tutub
22-23 yanvar 2026-cı il tarixlərində Türk Mədəniyyəti və İrsi Fondunun prezidenti xanım Aktotı Raimkulovanın Özbəkistan Respublikasına ilk rəsmi səfəri baş tutub. Səfər Türk Mədəniyyəti və İrsi Fondu ilə Özbəkistan Respublikası arasında güclü və uzunmüddətli tərəfdaşlığın başlanğıcını qoyan əlamətdar və tarixi bir hadisə kimi dəyərləndirilir. Bu, Özbəkistan Respublikasının Prezidenti Zati-aliləri cənab Şavkat Mirziyoyevin təşəbbüsü ilə 7 oktyabr 2025-ci ildə Azərbaycanın Qəbələ şəhərində keçirilən Türk Dövlətləri Təşkilatının (TDT) Dövlət Başçılarının Zirvə Görüşündə Özbəkistan Respublikasının Fonda tamhüquqlu üzv kimi qəbul edilməsi ilə bağlı mühüm qərara əsasən atılan addım olub.
Nazir Məcnun Məmmədov Oğuzda vətəndaşları qəbul edib
Azərbaycan Respublikasının Prezidenti İlham Əliyevin tapşırıq və tövsiyələrinə əsasən mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciət, ərizə və şikayətlərinin müsbət həlli üçün müvafiq tədbirlər görürlər.
Müxtəlif istiqamətlərdə müntəzəm avtobus marşrutları müsabiqəyə çıxarılır
Azərbaycan Yerüstü Nəqliyyat Agentliyi (AYNA) sərnişindaşıma xidmətinin keyfiyyətinin artırılması məqsədilə Bakı və digər şəhərlərarası, eləcə də Bakıətrafı yeni avtobus marşrutlarını müsabiqəyə çıxarır. Müsabiqə “Avtomobil nəqliyyatı haqqında” Qanuna və Nazirlər Kabinetinin müvafiq qərarına uyğun olaraq təşkil edilir.
