Dünya üzrə milyonlarla insan diabetdən xəbərsizdir
Dünyada diabet xəstələrinin təxminən yarısı öz xəstəliklərinin fərqində deyil. The Lancet Diabetes & Endocrinology jurnalında yayımlanan yeni araşdırma, diabet diaqnozlarının artmasına baxmayaraq, insanların əhəmiyyətli hissəsinin hələ də bu “səssiz xəstəlikdən” xəbərsiz olduğunu ortaya qoyub.
Əczaçılardan xəbərdarlıq - dərmanlar rütubətli yerdə və dondurucuda saxlanılmamalıdır
Saydan verdiyi açıqlamada, dərmanların yüksək rütubətli və ya temperatur dəyişikliyinə məruz qalan yerlərdə, məsələn, vanna otağında və ya avtomobillərdə saxlanılmasının zərərli olduğunu bildirib. O, dərmanların tövsiyə olunan temperatur diapazonundan kənarda saxlanmasının effektivliyini azaltdığını və hətta zərərli ola biləcəyini qeyd edib. İnsulin, maye antibiotiklər və göz damcıları kimi dərmanların soyuducuda, lakin birbaşa buz paketləri ilə təmasda olmadan saxlanılmalı olduğunu vurğulayan Saydan, dondurucuya qoyulan dərmanların xarab olduğunu və istifadəyə yararsız hala gəldiyini əlavə edib.
ABŞ yeniyetmələrinin təxminən üçdə birində prediabet var
ABŞ Xəstəliklərə Nəzarət və Qarşısının Alınması Mərkəzlərinin (CDC) yeni məlumatlarına görə, 12-17 yaş arası yeniyetmələrin təxminən 32,7 faizi (təqribən 8,4 milyon nəfər) prediabetdən əziyyət çəkir. Prediabet qan şəkərinin normadan yüksək olduğu, lakin 2-ci tip şəkərli diabet diaqnozu qoyulacaq qədər yüksək olmadığı vəziyyətdir. ABŞ-da şəkərli diabet 7-ci ölüm səbəbidir və prediyabet olan şəxslərdə həm 2-ci tip diabet, həm də ürək xəstəliyi və insult riski artır. CDC-nin diabetin qarşısının alınması üzrə baş mütəxəssisi Dr. Kristofer Hollidey bu vəziyyəti “oyanış zəngi” adlandıraraq, sağlam qidalanma və fiziki aktivliyin 2-ci tip diabetin qarşısının alınmasında böyük əhəmiyyət kəsb etdiyini vurğulayıb.
Qızardılmış kartof diabet riskini 27 faiz artırır
Yeni aparılan və British Medical Journal jurnalında dərc edilən genişmiqyaslı araşdırma qızardılmış kartofun 2-ci tip diabet riskini əhəmiyyətli dərəcədə yüksəltdiyini göstərib. Həftədə üç dəfə qızardılmış kartof yemək bu riski 20 faiz, beş dəfə yemək isə 27 faiz artırır. Eyni zamanda, qaynadılmış, bişmiş və ya kartof püresi kimi variantlar eyni tezlikdə istehlak edildikdə risk cəmi 5 faiz yüksəlir.
