ABŞ-də benzin qiymətləri rekord həddə yaxınlaşır
ABŞ-də İran münaqişəsinin enerji bazarına təsiri fonunda Əmək Günü həftəsonunda benzinin qiymətinin rekord səviyyəyə yüksələcəyi gözlənilir.
ABŞ-ın borcu 40 trilyon dollara yaxınlaşır - maliyyələşmə niyə bahalaşdı?
ABŞ hökumətinin ümumi dövlət borcu 40 trilyon dollara yaxınlaşaraq rekord səviyyəyə çatıb. Bununla yanaşı, investorların uzunmüddətli ABŞ xəzinə istiqrazları üçün daha yüksək gəlirlilik tələb etməsi Vaşinqtonun borclanma xərclərini artırır. ABŞ Xəzinədarlığının məlumatına görə, avqustun 14-də ümumi dövlət borcu 39,93 trilyon dollar olub. Bunun 32,2 trilyon dolları investor və dövlət qurumlarının saxladığı borc, 7,73 trilyon dolları isə hökumət qurumları arasındakı öhdəliklərdir.
ABŞ-da inflyasiya qorxusu istehlakçı inamını aşağı salıb
ABŞ-da istehlakçı inamı avqust ayında kəskin şəkildə zəifləyib. Miçiqan Universitetinin ilkin məlumatlarına əsasən, göstərici 51 bənd təşkil edib və iyul ayındakı 55,2 bənddən aşağı düşüb. İstehlakçı inamının təxminən 8 faiz azalması əvvəlki iki ayda müşahidə olunan yaxşılaşmanı dayandırıb. Geriləmənin əsas səbəbləri arasında uzun müddətdir davam edən inflyasiya və İrana qarşı müharibənin yaratdığı iqtisadi qeyri-müəyyənlik göstərilir. ABŞ-da inflyasiya müharibədən əvvəl də Federal Ehtiyat Sisteminin uzunmüddətli 2 faizlik hədəfindən yüksək idi. Yüksək qiymətlər illərdir ABŞ ailələrinin büdcəsinə ciddi təzyiq göstərir. İrana qarşı müharibənin enerji və digər qiymətlərə təsiri ilə bağlı narahatlıqlar istehlakçıların gələcəyə inamını daha da zəiflədib. Son göstəricilər ABŞ iqtisadiyyatında qiymət artımı ilə bağlı narahatlığın hələ də yüksək olduğunu göstərir.
ABŞ-İsrailin İranla müharibəsi amerikalılara təxminən 60 milyard dollara başa gəlib
Yeni iqtisadi təhlilə əsasən, ABŞ və İsrailin İranla bağlı hərbi qarşıdurmasının yaratdığı enerji böhranı və bazar qeyri-müəyyənliyi son üç ay ərzində amerikalı istehlakçılara milyardlarla dollar əlavə xərc yükləyib. Hesabatda qeyd olunur ki, yanacaq qiymətlərinin və aviabiletlərin bahalaşması nəticəsində orta hesabla hər bir ABŞ ailəsinin xərcləri yüzlərlə dollar artıb. İqtisadçılar xəbərdarlıq edirlər ki, münaqişə uzandıqca istehlakçıların alıcılıq qabiliyyəti zəifləyə və ölkə iqtisadiyyatında əlavə ləngimə yarana bilər. Təhlil həmçinin göstərir ki, enerji qiymətləri hazırkı səviyyədə qalarsa, bir il ərzində ailələrin əlavə maliyyə yükü daha da böyüyəcək.
Tramp İran müharibəsinin ABŞ iqtisadiyyatına təsirini “əhəmiyyətsiz” adlandırıb
ABŞ Prezidenti Donald Tramp İranla bağlı müharibə riskinin iqtisadi təsirlərini “əhəmiyyətsiz” adlandıraraq artan benzin qiymətlərinin ciddi problem olmadığını bildirib. Trampın sözlərinə görə, Tehran Vaşinqtonun iqtisadi təzyiq qarşısında geri çəkiləcəyini düşünüb, lakin ABŞ administrasiyası sərt mövqeyini qorumaqda qərarlıdır. Analitiklər hesab edirlər ki, Ağ Ev həm iqtisadi narahatlıqları minimum göstərməyə, həm də İranla danışıqlarda geri addım atmayacağı mesajını verməyə çalışır.
Müharibənin sonu yaxınlaşır? Trampdan yeni açıqlama
ABŞ Prezidenti Donald Trump müharibənin uzun çəkməyəcəyini və onun başa çatmasından sonra neft qiymətlərinin düşərək inflyasiyanın azalacağını bildirib. O, enerji bazarında böyük “neft axını” yaranacağını və fond bazarlarında yüksəliş gözləndiyini vurğulayıb.
ABŞ-də inflyasiya apreldə 3,8 faizə yüksəldi
ABŞ-də istehlak inflyasiyası apreldə illik ifadədə 3,8 faizə yüksəlib. Rəsmi məlumatlara görə, enerji və yanacaq qiymətlərindəki artım, eləcə də İranla bağlı geosiyasi gərginlik inflyasiya təzyiqlərinin güclənməsinə təsir göstərib.
ABŞ artan ticarət kəsirini tariflərlə kəskin şəkildə azaldıb - Tramp
Tariflər sayəsində ABŞ dünya tarixində ən böyük olan artan ticarət kəsirini kəskin şəkildə azaltdı. "Hər il 1 trilyon dollardan çox itiririk və bu, sadəcə olaraq, boşa gedirdi. Lakin bir il ərzində aylıq ticarət kəsirimizi 77% azaldıb, inflyasiya olmadan - çoxlarının qeyri-mümkün hesab etdiyi bir şey", - deyə Tramp vurğulayıb.
ABŞ iqtisadiyyatı BVF-nin ötən aprel ayında proqnozlaşdırdığından iki dəfə sürətli böyüyəcək -Tramp
ABŞ iqtisadiyyatı Beynəlxalq Valyuta Fondunun (BVF) ötən ilin aprel ayında proqnozlaşdırdığından iki dəfə sürətli böyüyəcək. ABŞ Prezidenti Donald Tramp Davosda keçirilən Dünya İqtisadi Forumundakı çıxışında deyib. "Cəmi bir ildən bir az çox əvvəl, radikal solçu Demokratların dövründə biz ölü bir ölkə idik. İndi ABŞ iqtisadiyyatı BVF-nin ötən aprel ayında proqnozlaşdırdığından ikiqat sürətlə böyüyür. Və mənim böyümə siyasətlərim və tariflərimlə daha da sürətlə böyüməlidir. Həqiqətən inanıram ki, daha yaxşı işlər görə bilərik. Bu, bütün ölkələr üçün əla xəbərdir. ABŞ planetin iqtisadi mühərrikidir və Amerika çiçəklənəndə bütün dünya çiçəklənir. Tarix bunu göstərir. Və indi biz əvvəllər heç vaxt çatmadığımız bir səviyyədəyik. Heç vaxt düşünməmişdim ki, bunu bu qədər sürətlə edə bilərik", - deyə Tramp bildirib.
ABŞ rekord həddə investisiya öhdəlikləri əldə edib - Tramp
ABŞ ümumilikdə 18 trilyon dollarlıq rekord investisiya öhdəlikləri əldə edib. ABŞ Prezidenti Donald Tramp Davosda keçirilən Dünya İqtisadi Forumundakı çıxışında bildirib. "Bayden administrasiyasının ölkəmizə 1 trilyon dollardan az yeni investisiya cəlb etdiyi dörd ildən sonra rekord həddə - 18 trilyon dollarlıq öhdəliklər əldə etdik və yekun hesablama aparıldıqda ümumi məbləğin 20 trilyon dollara yaxın olacağını gözləyirik. Tarixdə heç bir ölkə buna nail olmayıb, hətta ona yaxınlaşmayıb", - Tramp bildirib.
