Leman jurnalının karikaturasına görə 3 nəfər həbs olunub
Məhəmməd peyğəmbər və Musa peyğəmbərin karikaturasının Leman jurnalında dərc olunmasına dair aparılan istintaq çərçivəsində jurnalı idarə edənlərin də daxil olduğu 6 nəfər şübhəli qismində saxlanılıb. Onlardan 3-ü barəsində həbs qərarı çıxarılıb, digər 3 nəfər isə məhkəmənin qərarı ilə nəzarət şərti ilə sərbəst buraxılıb.
Türkiyədə Bayrampaşa Bələdiyyəsinə qarşı əməliyyat: 45 nəfər saxlanılıb
İstanbul Respublika Baş Prokurorluğu tərəfindən Bayrampaşa Bələdiyyəsinə qarşı “vəzifədən sui-istifadə”, “rüşvət”, “dələduzluq” və “tenderlərə müdaxilə” ittihamları ilə istintaq başladılıb. AzerVoice-un məlumatına görə, istintaq çərçivəsində aparılan əməliyyat zamanı bələdiyyəyə və şübhəlilərə məxsus ünvanlar da daxil olmaqla ümumilikdə 72 yerdə eyni vaxtda axtarış keçirilib. Bayrampaşa Bələdiyyəsinin sədri Hasan Mutlu, beş bələdiyyə sədrinin müavini, beş bələdiyyə məclisinin üzvü ilə birlikdə barələrində həbs qərarı çıxarılan 48 nəfərdən 45-i saxlanılıb.
Antalya Təhlükəsizlik İdarəsinin rəisi həbs edildi
Türkiyədə vəzifəsindən uzaqlaşdırılan Antalya Təhlükəsizlik İdarəsinin rəisi İlker Arslan həbs olunub.İstintaq çərçivəsində saxlanılan Arslan məhkəməyə çıxarılıb və məhkəmənin qərarı ilə həbsxanaya göndərilib.
Türkiyədə miqrantları daşıyan qayıq katerlə toqquşub - Ölənlər var
Türkiyənin Balıkesir vilayətinin Ayvalık rayonu sahillərində qeyri-qanuni miqrantları daşıyan qayığın Sahil Təhlükəsizlik xidmətinə məxsus katerlə toqquşması nəticəsində 5 nəfər həlak olub. Bu barədə Balıkesir Valiliyi açıqlama yayıb. Bildirilib ki, qeyri-qanuni miqrasiyaya qarşı mübarizə çərçivəsində Sahil Təhlükəsizlik Şimal Egey Qrup Komandanlığı tərəfindən keçirilən əməliyyat zamanı bir qaçaqmalçı və 34 miqrantı daşıyan yüksək sürətli fiber gövdəli qayıq sahil mühafizə katerinə çırpılıb.
Leman jurnalı ilə bağlı 6 şübhəli barəsində yeni ittiham aktı hazırlanıb
Məhəmməd peyğəmbər və Musa peyğəmbərin karikaturasının Leman jurnalında dərc olunmasına dair aparılan istintaq çərçivəsində jurnalı idarə edənlərin də daxil olduğu 6 şübhəli barəsində ittiham aktı hazırlanıb. İstanbul Baş Prokurorluğu tərəfindən iyunun 26-da Leman jurnalında dərc olunmuş karikatura ilə bağlı başlanmış istintaq başa çatıb. Hazırlanan ittiham aktında məsul redaktorlar Zafer Aknar və Aslan Özdemir, müəssisə müdiri Ali Yavuz, qrafik dizayner Cebrail Okçu, həmçinin barəsində axtarış qərarı çıxarılan baş redaktor Mehmet Tuncay Akgün mətbuat və yayım yolu ilə xalqı kin və düşmənçiliyə açıq şəkildə təhrik etməkdə ittiham olunurlar. Prokurorluq onların hər biri üçün 1 il 6 aydan 4 il 6 aya qədər həbs cəzası tələb edib.
Norveç şahzadəsinin oğluna dair 32 ittiham irəli sürülüb
Norveç şahzadəsi Mette-Maritin 28 yaşlı oğlu Marius Borq Hoibi zorlama, məişət zorakılığı və cinsi istismar da daxil olmaqla 32 ittihamla məhkəmə qarşısına çıxacaq. Təqsirli bilinərsə, ona 10 ilə qədər həbs cəzası verilə bilər. Məlumata görə, Hoibinin məhkəməsi 2026-cı ildə başlayacaq. O, 2024-cü ilin noyabrında başladılan istintaq çərçivəsində bir həftəlik həbs olunub. Prokurorlar dörd ayrı istismar hadisəsi və bəzi sui-istifadələrin telefona qeydə alındığını açıqlayıb.
Şəhidlər xiyabanında qeyri-etik videolar çəkən əcnəbilərə cinayət işi başlanıldı
Avqustun 17-də 3 nəfər əcnəbi şəxsin Şəhidlər Xiyabanında nalayiq hərəkətlər etməklə çəkdikləri videogörüntünü sosial şəbəkələrdə paylaşmaları barədə araşdırmalar aparılıb. DİN Mətbuat Xidmətindən AzerVoice-ə bildirilib ki, araşdırmalar zamanı həmin şəxslərin avqustun 13-də Bakı şəhərinə turist kimi 5 günlük gəldikləri, çəkdikləri videonu sosial şəbəkələrdə yaydıqları müəyyən edilib.
Türkiyədə İBB-yə qarşı istintaq çərçivəsində 6 nəfər həbs edilib
İstanbul Böyükşəhər Bələdiyyəsinə (İBB) qarşı aparılan korrupsiya istintaqı çərçivəsində saxlanılan 13 nəfərdən 6-sı həbs edilib, 7 nəfər barəsində isə məhkəmə nəzarəti tədbiri tətbiq olunub. İstanbul Baş Prokurorluğu tərəfindən aparılan istintaq, vəzifəsindən uzaqlaşdırılmış İBB sədri Əkrəm İmamoğlunun da adının hallandığı, “cinayət təşkilatına rəhbərlik”, “cinayət təşkilatına üzvlük”, “vəzifədən sui-istifadə”, “rüşvət alma”, “dələduzluq”, “şəxsi məlumatların qanunsuz əldə edilməsi” və “tender prosesinə müdaxilə” ittihamlarını əhatə edir.
Türkiyədə İBB istintaqı çərçivəsində 8 nəfər həbs tələbi ilə məhkəməyə çıxarılıb
İstanbul Böyükşəhər Bələdiyyəsinə (İBB) qarşı aparılan korrupsiya istintaqı çərçivəsində qanunsuz mənfəət əldə etməkdə ittiham olunan 13 nəfərdən 8-i barələrində həbs tələbi ilə, 5-i isə məhkəmə nəzarəti şərti ilə prokurorluqdan məhkəməyə göndərilib. İstanbul Baş Prokurorluğu tərəfindən aparılan istintaq, vəzifəsindən kənarlaşdırılan İBB sədri Əkrəm İmamoğlu da daxil olmaqla, “cinayət təşkilatına rəhbərlik”, “cinayət təşkilatına üzvlük”, “vəzifədən sui-istifadə”, “rüşvət alma”, “dələduzluq”, “şəxsi məlumatların qanunsuz əldə edilməsi” və “tender prosesinə müdaxilə” ittihamlarını əhatə edir.
CHP sədri Özgür Özələ qarşı istintaq başlanılıb
Türkiyənin Cümhuriyyət Xalq Partiyasının (CHP) sədri Özgür Özəl, prezident Rəcəb Tayyib Ərdoğana qarşı işlətdiyi təhqiramiz ifadələrə görə Ankara Respublika Baş Prokurorluğu tərəfindən istintaqa cəlb edilib. Bu barədə Türkiyənin ədliyyə naziri Yılmaz Tunç açıqlama verib.
Türkiyədə İŞİD-ə qarşı əməliyyat: 4 nəfər həbs olunub
Türkiyənin Şanlıurfa vilayətində İŞİD terror təşkilatına qarşı əməliiyat keçirilib. İŞİD-ə maliyyə dəstəyi verən və təşkilat daxilində silahlı fəaliyyət göstərən şəxslərin saxlanılması məqsədilə həyata keçirilən əməliyyat çırçivəsində 5 milyon lirədən artıq maliyyə dövriyyəsinə sahib olduğu müəyyən edilən 6 nəfər saxlanılıb. Məhkəməyə çıxarılan şübhəlilərdən 4-ü həbs olunub, 2-si isə deportasiya edilib. Bundan əvvəl, Türkiyənin daxili işlər naziri Ali Yerlikaya İŞİD-ə qarşı 14 vilayətdə keçirdiyi əməliyyatlarda 26 nəfərin saxlanıldığını açıqlamışdı.
Bursada fişəngin səbəb olduğu yanğınla əlaqədar bir nəfər həbs edilib
Türkiyənin Bursa vilayətinin Nilüfer rayonunda baş verən meşə yanğını ilə bağlı başlanan istintaq çərçivəsində saxlanılan 5 şübhəlidən biri həbs edilib. Üç azyaşlı ağacəkmə işlərinə cəlb olunub, digər bir azyaşlı barəsində ev dustaqlığı qərarı verilib.
