Ankara Netanyahunun beynəlxalq axtarışa verilməsi üçün hərəkətə keçib
Türkiyə İsrailin Baş naziri Benyamin Netanyahu haqqında İnterpolun qırmızı bildirişinin çıxarılmasına çalışacaq. Məsələ Qəzzaya humanitar yardım aparan donanmanın İsrail tərəfindən dayandırılması ilə bağlı Türkiyədə açılmış cinayət işi çərçivəsində gündəmə gəlib. Türkiyə məhkəməsi Netanyahu və digər şübhəli barədə həbs qərarı çıxarıb. İttihamlar arasında soyqırımı, insanlıq əleyhinə cinayətlər və işgəncə yer alır. İş ümumilikdə 35 nəfəri əhatə edir. Ankara Netanyahu barədə beynəlxalq axtarış imkanının yaradılmasını istəyir. İnterpol müraciəti araşdırdıqdan sonra qırmızı bildirişin verilməsi barədə qərar qəbul edəcək. İsrail Netanyahunun ofisi vasitəsilə Türkiyənin addımını rədd və sərt şəkildə tənqid edib.
Tramp və Netanyahu seçki dilemması ilə üz-üzə - Ziddiyətlər niyə artır?
ABŞ-da 3 noyabr 2026-cı ildə keçiriləcək aralıq seçkilər və İsraildə 27 oktyabr 2026-cı il parlament seçkiləri Donald Tramp və Benyamin Netanyahu üçün mühüm siyasi sınaq olacaq. Hər iki liderin seçicilərdən dəstək almaq üçün fərqli mövqelər nümayiş etdirməsi diqqət çəkir. ABŞ-da Nümayəndələr Palatasının 435 deputatı, Senatın isə 100 yerindən 35-i yenidən seçiləcək. Eyni zamanda 36 ştatda qubernator seçkiləri keçiriləcək. İsraildə isə Knesset seçkiləri hökumətin gələcək istiqamətini müəyyənləşdirə bilər.
ABŞ-ın Beynəlxalq Cinayət Məhkəməsinə sanksiyası Yaponiyanı qəzəbləndirdi
ABŞ Beynəlxalq Cinayət Məhkəməsinin (BCM) yaponiyalı sədri Tomoko Akane və baş prokuror müavini Abdullah Se-yə qarşı sanksiya tətbiq edib. Yaponiya Vaşinqtonun qərarını “çox təəssüf doğuran” addım kimi qiymətləndirib. Tokio BCM-ni beynəlxalq hüququn aliliyinin qorunmasında dəstəklədiyini bildirib. ABŞ-ın sanksiyaları Akane və Se-nin ölkə daxilindəki vəsaitlərinin və maliyyə maraqlarının dondurulmasını, həmçinin ABŞ maliyyə sistemi üzərindən onlarla maliyyə və kommersiya əməliyyatlarının qadağan edilməsini nəzərdə tutur.
Suriya prezidentinin atası İsrailin iddialarına reaksiya verib
Suriyada İsrailin Əbu əl-Zuhur hərbi aerodromuna endirdiyi zərbədən sonra təhlükəsizlik vəziyyəti ilə bağlı müzakirələr və reaksiyalar davam edir. Suriyanın xarici işlər nazirliyindən diplomatik mənbə İsrail Baş naziri Benyamin Netanyahunun ofisinin Dəməşqlə müəyyən təhlükəsizlik razılaşmasının əldə olunması barədə iddialarını təkzib edib. İsrail isə zərbəni Suriyada Türkiyənin Hələb yaxınlığındakı hava bazalarında hərbi yerləşmə yaratmasının qarşısını almaqla əsaslandırıb.
Netanyahu işğal altındakı İordan çayının qərb sahilində öz adını daşıyan yolu açıb
İsrailin Baş naziri Benyamin Netanyahu işğal altındakı İordan çayının qərb sahilində öz adını daşıyan yeni yolun açılışını edib. “Netanyahu yolu” Səlfit bölgəsindəki Ariel yaşayış məntəqəsində yerləşir. Yol İsrail hökumətinin bölgədə yaşayış məntəqələrinin genişləndirilməsi planının bir hissəsi kimi təqdim olunur. Planda 12 min yeni mənzilin inşa edilməsi nəzərdə tutulur. İlkin məlumata görə, Ariel yaşayış məntəqəsində əhalinin sayının 100 min nəfərə çatdırılması hədəflənir. Ariel İordan çayının qərb sahilindəki ən böyük İsrail yaşayış məntəqələrindən biridir. İsrail hökuməti son illərdə işğal altındakı ərazilərdə tikinti fəaliyyətini sürətləndirib. Yaşayış məntəqələrinin genişləndirilməsi Fələstin–İsrail münaqişəsinin ən mübahisəli məsələlərindən biri olaraq qalır.
Qəzza ilə bağlı razılaşdırılmış plana sadiqik, İsrail isə hələ razılıq verməyib - HƏMAS
HƏMAS ABŞ-nin vasitəçiliyi ilə hazırlanan Qəzza sülh planına sadiq olduğunu açıqlayıb. Hərəkatın sözçüsü Hazim Qasım İsrailin yol xəritəsinə hələ aydın razılıq vermədiyini bildirib. Onun sözlərinə görə, razılaşmanın icrası üçün müəyyən müddətlər və mərhələlər dəqiqləşdirilməlidir. Plan HƏMAS-ın silahlarını təhvil verməsini də nəzərdə tutur. ABŞ nümayəndəsi Cared Kuşner məsələ ilə bağlı Benyamin Netanyahu ilə görüşüb. İsrail isə HƏMAS tərksilah edilmədən Qəzzadan geri çəkilmək niyyətində olmadığını bildirir. Təl-Əviv həmçinin tərksilah prosesi başa çatmadan Qəzzanın yenidən qurulmasına razılıq verməyəcəyini bəyan edir. Tərəflərin mövqeləri arasındakı fərqlər sülh planının həyata keçirilməsini çətinləşdirən əsas məsələlərdən biri olaraq qalır.
Netanyahunun Likud partiyası seçkilər öncəsi namizədlərini müəyyənləşdirib
İsrailin Baş naziri Benyamin Netanyahunun rəhbərlik etdiyi Likud Partiyasının üzvləri oktyabrın 27-də keçiriləcək parlament seçkiləri öncəsi namizədləri müəyyənləşdirib. Partiyanın 140 min üzvü ilkin səsvermədə iştirak edib. Netanyahu isə parlament siyahısında təxminən 10 yeri özü müəyyənləşdirmək səlahiyyətini saxlayıb. İctimai rəy sorğularında Likudun parlamentdəki mandatlarının hazırkı 32 yerdən 22-yə qədər azalmasının mümkün olduğu göstərilir. Bu, uzun müddətdir İsrail siyasətində dominant mövqedə olan Netanyahu üçün seçkilərdə ciddi rəqabət deməkdir.
HƏMAS-ın tərksilahı 30 gün ərzində başlaya bilər - Kuşner
ABŞ Prezidenti Donald Trampın xüsusi nümayəndəsi Cared Kuşner HƏMAS-ın tərksilahı və Qəzza üzrə sülh planının icrasında irəliləyişin bir ay ərzində başlaya biləcəyini bildirib. Kuşner İsrailin Baş naziri Benyamin Netanyahu ilə görüşdən sonra HƏMAS-ın bəzi silahlarının təhvil verilməsi və tunellərin sıradan çıxarılması istiqamətində addımların 30 gün ərzində başlaya biləcəyini deyib.
Kuşner və Netanyahu Qəzza ilə bağlı gələcək yol xəritəsi üzrə razılığa gəlib
Cared Kuşner və Benyamin Netanyahu Qəzza münaqişəsi ilə bağlı görüş keçiriblər. Görüşün uzun və ətraflı olduğu bildirilib. “Sülh Şurası”nın rəsmisi görüşün çox məhsuldar keçdiyini açıqlayıb. Tərəflərin Qəzza ilə bağlı bundan sonrakı yol xəritəsi üzrə razılığa gəldiyi bildirilib.Kuşner görüşdən əvvəl Misirdə HƏMAS rəhbərliyi ilə də danışıqlar aparıb.Müzakirələrdə HƏMAS-ın silahsızlaşdırılması və İsrail qüvvələrinin Qəzzadan çıxarılması məsələləri əsas yer tutur. Netanyahu İsrail qüvvələrinin çıxarılmasından əvvəl HƏMAS-ın tamamilə silahsızlaşdırılmasını tələb edir. Razılaşmanın konkret detalları hələ açıqlanmayıb.
Netanyahunun ABŞ planından imtinasından sonra Kuşner İsrailə getdi
ABŞ Prezidenti Donald Trampın Yaxın Şərq üzrə nümayəndəsi və kürəkəni Cared Kuşner bazar ertəsi İsrailin Baş naziri Benyamin Netanyahu ilə görüşüb. Görüşdə ABŞ-ın Qəzzada münaqişənin dayandırılması ilə bağlı təşəbbüsü, bölgənin gələcəyi və İsrail ordusunun ərazidən çıxarılması məsələlərinin müzakirə edildiyi bildirilir.
İsrailli nazir Ben Qvir Qəzzada hər gecə 30–40 nəfərin məhv edilməsinə çağırıb
İsrailin ifrat sağçı milli təhlükəsizlik naziri İtamar Ben-Qvir Qəzza zolağında hər gecə 30–40 nəfərin hədəfli şəkildə məhv edilməsinə çağırış edib. Ben-Qvir bu açıqlamanı vaxtilə Qəzzada saxlanılmış keçmiş girov Rom Braslavskinin təqdim etdiyi podkastda səsləndirib. İsrailin 7 oktyabr 2023-cü il hücumundan sonrakı vəziyyətini müzakirə edərkən nazir son vaxtlar Qəzzaya endirilən zərbələrin intensivliyinin azalmasını tənqid edib.
HƏMAS və Misir kəşfiyyat rəhbəri Qəzza planını müzakirə edib
HƏMAS hərəkatının nümayəndə heyəti Qəzza zolağı üçün müharibədən sonrakı planın icrasını irəlilətmək yollarını müzakirə etmək məqsədilə bazar günü Misirin kəşfiyyat rəhbəri Həsən Rəşad ilə görüşüb. HƏMAS lideri Xəlil əl-Həyyanın rəhbərlik etdiyi nümayəndə heyəti ABŞ Prezidenti Donald Trampın planının tamamlanmasına sadiqliyini bir daha təsdiqləyib.
