Türkiyə XİN Balkan Sülh Platformasının 3-cü iclasına Antalyada ev sahibliyi edib
Türkiyənin Xarici İşlər naziri Hakan Fidan Antalya Diplomatik Forumu çərçivəsində keçirilən Balkan Sülh Platformasının 3-cü iclasına sədrlik edib. Türkiyə Xarici İşlər Nazirliyinin məlumatına görə, iclas platformanın regionda sülh, dialoq və əməkdaşlığın gücləndirilməsi məqsədilə həyata keçirilən fəaliyyətlərinin davamı kimi təşkil olunub. Görüşdə Balkan ölkələri arasında siyasi koordinasiya, regional sabitlik və qarşılıqlı əməkdaşlıq məsələləri müzakirə edilib.
Monteneqro meşə yanğınları ilə mübarizə üçün beynəlxalq dəstək istəyir
Balkan ölkəsində, xüsusilə paytaxt Podqoritsa və Nikşiç, Bijelo Polye, Canja, Buljarika bölgələrində davam edən yanğınlar küləyin təsiri ilə bəzi yaşayış məntəqələrinə yaxınlaşıb. Monteneqro Daxili İşlər Nazirliyi NATO vasitəsilə qonşu ölkələr də daxil olmaqla beynəlxalq ictimaiyyətdən dəstək istədiyini açıqlayıb. Serbiya yanğınlara havadan müdaxilə üçün vertolyot göndərib, Xorvatiya isə yanğınsöndürmə təyyarəsi ilə kömək göstərib. Ölkədə yüksək temperatur səbəbindən qırmızı təhlükə elan olunub.
Hakan Fidan İstanbulda Balkan ölkələrindən olan həmkarları ilə görüşüb
Türkiyə Xarici işlər naziri Hakan Fidan, Balkan Sülh Platformu Xarici İşlər Nazirləri Toplantısı çərçivəsində İstanbulda olan Bosniya və Herseqovina, Serbiya və Monteneqro xarici işlər nazirləri ilə görüşüb.
