Bu gün Məhəmməd Əli ABŞ-ın Vyetnama hücumunda iştirak etməkdən imtina etdi
28 aprel 1967-ci ildə dünya boksunun əfsanəvi siması Məhəmməd Əli ABŞ ordusuna çağırışı qəbul etməkdən imtina etdi və bu qərar onun karyerasında dönüş nöqtəsinə çevrildi. Əli bu addımını dini inancları ilə əsaslandıraraq Vyetnam müharibəsində iştirak etməyəcəyini bildirdi. Bu qərardan dərhal sonra o, ağır çəki üzrə dünya çempionu titulundan məhrum edildi və boks fəaliyyətindən uzaqlaşdırıldı.
Məhəmməd Əli haqqında bilməyimiz 10 fakt - O həm də, şair idi
Məhəmməd Əli yalnız boks dünyasının deyil, həm də XX əsrin ən tanınmış simalarından biri olub. Onun adı güc, cəsarət və iradə ilə yanaşı, həm də sosial ədalət uğrunda mübarizə ilə assosiasiya olunur. Rinqdə “kəpənək kimi uçub, arı kimi sancan” Əli, həyatında göstərdiyi mövqelərlə milyonlarla insana ilham verib. Çoxlarının tanımadığı məqam isə onun idmandan kənar hekayələrinin də ən az döyüşləri qədər maraqlı və təsirli olmasıdır. Aşağıda təqdim olunan 10 fakt Məhəmməd Əlinin şəxsiyyətinə və irsinə daha dərindən nəzər salmağa imkan yaradır
