SpaceX Luizianada 100 milyard dollarlıq kosmik baza quracaq
Kosmik uçuşlar, aviasiya və süni intellekt sahəsində fəaliyyət göstərən SpaceX ABŞ-ın Luiziana ştatında 100 milyard dollar sərmayə ilə yeni kosmik baza quracağını açıqlayıb. Şirkətin məlumatına görə, “Starbase, Louisiana” adlandırılacaq baza ildə minlərlə kosmik buraxılışı dəstəkləyəcək və SpaceX-in uçuş imkanlarını əhəmiyyətli dərəcədə artıracaq.
Anthropic 30 trilyon dollarlıq bazar hesablamasını nəyə əsaslandırır?
Anthropic ümumi əlçatan bazarının 30 trilyon dollardan çox olduğunu sərmayəçilərə açıqlamağa hazırlaşır. Şirkət hesablamalarında süni intellekt vasitəsilə görülə biləcək işlərin ümumi həcmini nəzərə alır. Göstərici SpeysEks-in 28,5 trilyon dollarlıq hesablamasından yüksəkdir. Böyük bazar imkanları Anthropic şirkətinin yüksək dəyərinin əsaslandırılmasına kömək edə bilər. Bu qiymətləndirmə şirkətin geniş texniki infrastruktura ayırdığı böyük vəsaitlər baxımından da əhəmiyyətlidir. Anthropic eyni zamanda OpenAI və Google ilə rəqabət aparır. Şirkət səhmlərinin ilkin açıq satışına hazırlaşır. Anthropic 2028-ci ildə gəlirinin 190–200 milyard dollara çatacağını gözləyir.
SpaceX Luiziana ştatında yeni kosmodrom inşa edəcək
SpaceX Luiziana ştatının cənubunda yeni kosmodrom inşa etməyi planlaşdırır. Tikintinin gələn il başlanması nəzərdə tutulur. Yeni kosmodrom “Starbeys Luiziana” adlandırılacaq. Buradan “Starşip” kosmik gəmilərinin buraxılışları həyata keçiriləcək. Layihə gələcəkdə ildə minlərlə kosmik uçuşun həyata keçirilməsinə hesablanıb. Ərazidə raket yanacağı istehsal ediləcək və elektrik enerjisi əldə olunacaq. Kosmik aparatların hazırlanması üçün xüsusi qurğular, dərin su limanı və hava limanı da yaradılacaq. Layihə SpeysEks-in kosmik buraxılış imkanlarını əhəmiyyətli dərəcədə genişləndirəcək.
Kosmosda məlumat mərkəzləri quran “Starcloud”un dəyəri 2,3 milyard dollara çatıb
“Starcloud” yeni sərmayə mərhələsində 250 milyon dollar cəlb edib. Şirkətin bazar dəyəri 2,3 milyard dollar olaraq qiymətləndirilib. Mart ayında bu göstərici 1,1 milyard dollar idi. 2024-cü ildə yaradılan şirkət indiyədək ümumilikdə 450 milyon dollar sərmayə cəlb edib. “Starcloud” “Nvidia” ilə orbit şəraitinə uyğun hesablama sistemi hazırlayır. Şirkət gələcəkdə 88 min peykdən ibarət şəbəkə yaratmağı planlaşdırır. Hədəf orbitdə 20 giqavatlıq hesablama gücü yaratmaqdır. Şirkət ABŞ-də yeni nəsil kosmik aparatlarının istehsalı üçün böyük istehsal müəssisəsi də qurur.
SpaceX və Tesla Texasda 16,8 milyard dollarlıq süni intellekt çip zavodu quracaq
SpaceX və Tesla Texasda Terafab adlı süni intellekt çiplərinin istehsalı kompleksini qurmaq üçün ilkin olaraq 16,8 milyard dollar investisiya yatıracaq. Layihənin məqsədi hər iki şirkətin gələcəkdə artacaq hesablama gücü tələbatını qarşılamaq və qlobal çip çatışmazlığını azaltmaqdır. İlon Maskın sözlərinə görə, Terafab çip istehsalının bütün mərhələlərini əhatə edəcək. Layihənin ilkin bazası kimi Tesla artıq Giga Texas zavodunda tədqiqat istehsal müəssisəsinin tikintisinə başlayıb.
SpaceX səhmlərində eniş investorlar üçün alış fürsəti yaradıb
SpaceX səhmlərinin maliyyə hesabatından sonra 12,9 faiz ucuzlaşması fərdi investorların alış marağını artırıb. Vanda Research-in məlumatına görə, ticarətin ilk saatında 22,7 milyon dollarlıq xalis alış qeydə alınıb. Şirkət IPO-dan bəri pərakəndə investorların xalis satış üstünlük təşkil etdiyi heç bir gün yaşamadığını bildirib. Analitiklər investorların Starlink gəlirlərinin süni intellekt investisiyalarını maliyyələşdirmək qabiliyyəti ilə bağlı narahatlıqlarını qeyd edirlər.
SpaceX-in gələcək kosmik planları investorların gözləntilərini doğruldacaqmı?
SpaceX ilk maliyyə hesabatı konfransı öncəsi investorların suallarını toplayıb. Ən populyar suallar arasında Starship layihəsi, Ay missiyası və yeni maskot Asteroid yer alıb. Bəzi investorlar raketin çəhrayı rəngə boyanmasını belə təklif ediblər. Maliyyə məsələlərinə maraq isə gözlənildiyindən daha az olub. SpaceX ilkin səhm yerləşdirməsi zamanı səhmlərinin 30 faizini fərdi investorlara ayırıb. Şirkətin maliyyə hesabatının İlon Maskın iştirakı ilə təqdim olunacağı gözlənilir. İnvestorlar həm texniki yeniliklərə, həm də gələcək kosmik layihələrə böyük maraq göstərirlər.
Fergani-nin 5-ci peyki kosmosa buraxıldı
“Baykar İdarə Heyətinin sədri və texnologiya lideri Səlçuk Bayraktar tərəfindən qurulan Fergani Kosmik Texnologiyaları bu peyki 30 mart 2026-cı il tarixində ABŞ-ın Vandenberq Kosmik Qüvvələr Bazasından kosmosa göndərib. SpaceX-in Transporter-16 missiyası çərçivəsində buraxılan peyk, təxminən 66 dəqiqə sonra daşıyıcı raketdən uğurla ayrılaraq 500–520 km hündürlükdə nəzərdə tutulan orbitə yerləşib”- deyə bildirilib.
Mask Somalinin BMT-dəki aimi nümayəndəsinin həbs olunmasına çağırıb
"SpaceX" şirkətinin təsisçisi İlon Mask Somalinin BMT-dəki daimi nümayəndəsi Abukar Dahir Osmanın həbs olunmasına çağırıb. Bu barədə İ.Mask "X" sosial şəbəkəsində yazıb."Onu həbs edin", - deyə İ.Mask Osmanın əvvəllər ABŞ vergi ödəyiciləri tərəfindən maliyyələşdirilən və "Medicaid" proqramı ilə dələduzluqda təqsirli bilinən bir səhiyyə şirkətinə sahib olduğunu iddia edən paylaşım altında yazıb.
Tramp süni intellekt müzakirəsi üçün texnologiya rəhbərlərini Ağ Evə toplayıb
ABŞ Prezidenti Donald Tramp, Ağ Evdə texnologiya sektorunun aparıcı rəhbərlərini qəbul etdiyi zaman, axşam yeməyində Elon Maskın iştirak etməməsi diqqət çəkib. Tramp, ölkənin bir çox qabaqcıl texnologiya şirkətlərinin yüksək səviyyəli rəhbərlərini Ağ Evdəki axşam yeməyində qonaq edib. Tesla və SpaceX-in sahibi, həmçinin Trampa yaxınlığı ilə tanınan Elon Mask həmin yeməkdə iştirak etməyib. Tramp yemək zamanı etdiyi çıxışda xüsusilə süni intellekt sahəsindəki investisiyalardan təriflə bəhs edib və ABŞ-ın bu sahədə Çindən irəlidə olduğunu bildirib.
SpaceX Starship 10-cu uçuşunu uğurla icra edib
Dünyanın ən güclü kosmik raketi kimi tanınan Starship, Texas ştatındakı Starbase-dən yerli vaxtla 18:30-da buraxılıb. Səkkiz süni Starlink peykini daşıyan raketin birinci mərhələ gücləndiricisi Super Heavy, buraxılışdan sonra Meksika körfəzinə planlaşdırıldığı kimi enib. Starship, səkkiz süni peyki orbitə yerləşdirmək və Raptor mühərrikini kosmosda yenidən işə salmaq missiyalarını uğurla icra edib. Raket buraxılışdan təxminən bir saat sonra Hind okeanına enib.
SpaceX-in Starship raketinin 10-cu sınaq uçuşu baş tutmayıb
Texas ştatındakı Starbase bazasından həyata keçirilməsi planlaşdırılan buraxılış havaya qalxmadan yarım saat əvvəl dayandırılıb. Şirkət qərarın yer sistemlərində aşkarlanan texniki problemə görə qəbul edildiyini açıqlayıb. Yanacaq yüklənməsi zamanı yaranan nasazlıq geri sayımın dayandırılmasına səbəb olub. “Bugünkü uçuş ləğv edildi. Yer sistemlərindəki nasazlıqların aradan qaldırılması üçün əlavə vaxta ehtiyac var.” - deyə SpaceX-in bəyanatında bildirilib. Xatırladaq ki, Starship proqramı son aylarda ardıcıl uğursuz sınaqlarla gündəmdədir. İyun ayında sınaq stendində partlayış qeydə alınmış, mayda isə 9-cu uçuş zamanı orbitə çatmasına baxmayaraq raket daşıdığı 8 Starlink peykini yerləşdirə bilməmişdi. Həmin vaxt yanacaq sızması səbəbindən yüksəklik problemi yaranmış və uçuşdan 30 dəqiqə sonra raketlə əlaqə kəsilmişdi. Səkkizinci sınaq uçuşu isə mühərrik nasazlığına görə starta bir dəqiqə qalmış dayandırılmışdı.
