Yunanıstan İsraildən hava müdafiə sistemi alır - Aşil qalxanı yunana nə vəd edir?
Yunanıstan və İsrail arasında 3,1 milyard avro dəyərində hava müdafiə sistemi layihəsi üzrə yekun sazişin imzalanacağı bildirilir. “Aşil qalxanı” adlandırılan layihə çərçivəsində Yunanıstan İsrail istehsalı bir sıra hava müdafiə sistemləri əldə edəcək. “Kathimerini” qəzetinin məlumatına görə, saziş bazar ertəsi İsraildə imzalanacaq və layihənin 35 ay ərzində başa çatdırılması planlaşdırılır.
Yunanıstan İsraildən yeni hava müdafiə sistemləri alır
Yunanıstan mətbuatı İsrailin arxipelaq adalarında istifadə oluna biləcək “killer drones” tipli insansız hava vasitələri (PUA) də daxil olmaqla hava müdafiə sistemləri təklif etdiyini yazıb. Məlumata əsasən, İsrail uzun müddətdir müzakirə olunan “Spyder All in One” hava müdafiə sisteminə əlavə olaraq, adaların mürəkkəb coğrafi quruluşuna uyğun yeni sistemlər də təklif edib.
