İsrail parlamenti 2023 hücumları ilə bağlı xüsusi tribunal yaradıb
İsrail Knesseti 2023-cü il 7 oktyabr hücumlarında iştirakda ittiham olunan fələstinlilərin mühakiməsi üçün xüsusi tribunalın yaradılmasını nəzərdə tutan qanun layihəsini təsdiqləyib. Məlumata görə, qanun layihəsi 120 yerlik parlamentdə 93 səslə qəbul olunub. Səsvermədə əleyhinə səs verən olmayıb, qalan deputatlar isə ya iclasda iştirak etməyib, ya da bitərəf qalıb.
Sual-cavab... Fələstinli məhbusların edam qanunu haqqında nə bilirik?
İsrail Knesseti bazar ertəsi axşam saatlarında 62 naxib (deputat) lehinə, 48 naxib əleyhinə və 1 nəfər bitərəf qalmaqla fələstinli məhbusların edamı qanununu qəbul edib. Qanunun mətninə görə, İsrail hər hansı bir İsrail vətəndaşını öldürən istənilən Fələstin vətəndaşına ölüm hökmü tətbiq edə bilər, lakin bu hökm heç bir halda fələstinlini öldürən israilliyə tətbiq oluna bilməz.
Banqladeşin keçmiş baş naziri Şeyx Hasinaya 21 il həbs cəzası verilib
Banqladeş məhkəməsi sabiq baş nazir Şeyx Hasinaya korrupsiya ittihamı ilə 21 il həbs cəzası verib. Qeyd edək ki, bir həftə əvvəl o, keçən il baş verən tələbə qiyamını qırmaq əmri verdiyi üçün insanlığa qarşı cinayətlərdə təqsirli bilinərək ölüm hökmünə məhkum edilmişdi. 78 yaşlı Hasina hazırda Hindistanda yaşayır və ölkəyə qayıtmaqla bağlı məhkəmə qərarını yerinə yetirməyib. Məhkəmə hakim Abdullah Əl Mamun qərarında, Hasinanın “ictimai torpaqları şəxsi mülkiyyət kimi istifadə etməsi və dövlət resurslarından özünə və yaxınlarına fayda götürmək üçün rəsmi prosedurları manipulyasiya etməsi”ni vurğulayıb.
