İƏT-in yeni baş katibi İsmail Vələd Şeyx Əhməd kimdir?
Mavritaniyalı diplomat İsmail Vələd Şeyx Əhməd 30 ildən çox müddəti BMT strukturlarında və böhran ocaqlarında keçirdikdən sonra 57 üzv dövləti birləşdirən İslam Əməkdaşlıq Təşkilatının (İƏT) rəhbərliyinə gəlir. O, xarici işlər nazirlərinin cümə axşamı keçirilən səsverməsi ilə səlahiyyət müddəti bu ilin noyabrında başa çatan Çad nümayəndəsi Hüseyn İbrahim Tahanın xələfi seçilib.
2024-cü ildən bəri işğal altındakı İordan çayının qərb sahilində 170-dən çox fələstinli uşaq öldürülüb - UNICEF
UNICEF İordan çayının qərb sahilində uşaqların vəziyyəti ilə bağlı yeni məlumat açıqlayıb. Təşkilat 2024-cü ilin yanvarından bəri 174 fələstinli uşağın öldürüldüyünü bildirib. Həmin dövrdə 1 500-dən çox uşağın yaralandığı qeyd olunub. UNICEF bəzi uşaqların təhlükə yaratmadığı hallarda da atəşə məruz qaldığını bildirib. Hazırda yüzlərlə fələstinli uşaq İsrail hərbi həbsində saxlanılır. Təşkilat uşaqların hüquqlarının qorunmasına çağırıb.
İşğal altındakı İordan çayının qərb sahili “qırılma nöqtəsindədir” - BMT
BMT İordan çayının qərb sahilində vəziyyətin kritik həddə çatdığını açıqlayıb. Təşkilat bölgədə bu il 76 fələstinlinin öldürüldüyünü bildirib. Məskun zorakılığı və söküntülər nəticəsində minlərlə insanın köçkün düşdüyü qeyd olunub. UNICEF isə 2024-cü ildən etibarən yüzlərlə fələstinli uşağın öldürüldüyünü və yaralandığını açıqlayıb. BMT uşaqların qorunması üçün beynəlxalq ictimaiyyəti hərəkətə keçməyə çağırıb.
Atəşkəsdən bəri Qəzzada hər gün orta hesabla bir uşaq həlak olub - BMT
UNICEF-in məlumatına görə, 2025-ci ilin oktyabrında qüvvəyə minən atəşkəsdən sonra Qəzzada 300 gün ərzində azı 300 uşaq həlak olub. Təşkilat bu göstəricinin hər gün orta hesabla bir uşağın öldüyünü göstərdiyini bildirib. UNICEF uşaqların təhlükəli və antisanitar şəraitdə yaşadıqlarını, kəskin qidalanma çatışmazlığı və xəstəliklərlə üzləşdiklərini vurğulayıb. Qurum beynəlxalq ictimaiyyəti uşaqların müdafiəsi və humanitar yardımın artırılması üçün təcili addımlar atmağa çağırıb.
UNICEF: Qəzzada gənc hüquq müdafiəçisi İsrail hücumu nəticəsində öldürülüb
UNICEF 17 yaşlı Rəğəd Aşurun Qəzzada İsrail hücumu nəticəsində öldürüldüyünü bildirib. O, təşkilatın Gənclər üzrə səfiri və uşaq hüquqları müdafiəçisi idi. Hadisə məktəbə gedərkən baş verib. Hücumda bir tibb işçisi də ölüb, 4 nəfər yaralanıb. UNICEF uşaq ölümlərinin dayanmasını tələb edib. Rəsmilər atəşkəsdən sonra da itkilərin davam etdiyini bildirir.
UNICEF: Oktyabr ayındakı atəşkəsdən bəri Qəzzada 265 uşaq həyatını itirib
BMT-nin Uşaq Fondu Qəzza zolağında uşaqlar arasında itkilərlə bağlı yeni məlumat yayıb. Təşkilatın açıqlamasına görə, oktyabr ayında elan edilmiş atəşkəsdən sonra 265 uşaq həyatını itirib, 400-dən çox uşaq isə yaralanıb. UNICEF-in sözçüsü Ceyms Elder bildirib ki, səkkiz aydan artıq müddətdə hər gün orta hesabla bir uşaq öldürülüb. Onun sözlərinə görə, bu göstərici son dərəcə ağır və faciəvi mənzərə yaradır. Elder qeyd edib ki, uşaqlar müxtəlif hücumlar nəticəsində həlak olublar. UNICEF rəsmisi hadisələrin böyük əksəriyyətinə görə İsrail qüvvələrini məsul hesab edib. Qəzzadakı humanitar vəziyyət beynəlxalq təşkilatların ciddi narahatlığına səbəb olmaqda davam edir. Təşkilat mülki şəxslərin, xüsusilə uşaqların qorunmasına çağırış edib.
Livanda hər 24 saatda 11 uşaq ölür - BMT
Birləşmiş Millətlər Təşkilatının Uşaq Fondu bildirib ki, son bir həftə ərzində Livanda hər 24 saatda orta hesabla 11 uşaq öldürülüb və ya yaralanıb. Qurumun açıqlamasına görə, İsrailin atəşkəsə baxmayaraq ölkə ərazisində hava zərbələrini genişləndirməsi nəticəsində son yeddi gündə ümumilikdə 77 uşaq həyatını itirib və ya müxtəlif dərəcəli xəsarətlər alıb.
BMT: İsrailin Livana hücumları nəticəsində martın 2-dən bəri 200 uşaq həlak olub
Birləşmiş Millətlər Təşkilatının Uşaq Fondu (UNICEF) bildirib ki, martın 2-dən bəri Livanda davam edən İsrail hücumları nəticəsində ən azı 200 uşaq həyatını itirib. UNICEF-in açıqlamasına görə, son bir həftə ərzində belə “atəşkəs” rejiminə baxmayaraq, ölkədə ən azı 59 uşaq ya həlak olub, ya da yaralanıb.
İsrailin Livana son hücumlarında 33 uşaq həlak olub - UNICEF
Birləşmiş Millətlər Təşkilatının Uşaq Fondu (UNICEF), İsrailin 8 aprel hücumları nəticəsində Livanda 33 uşağın həlak olduğunu və 153-nün yaralandığını bildirdi. UNICEF-in rəsmi internet saytı və sosial media hesabı vasitəsilə edilən açıqlamalarda mövzu ilə bağlı ətraflı məlumat verilib. Açıqlamada Livandakı hücumlardan uşaqların ciddi şəkildə təsirləndiyi vurğulanaraq, "Uşaqlar dağıntılar altından çıxarılır. Ailələr parçalanır," ifadələri işlədilib.
Regiondakı münaqişə nəticəsində 189 uşaq həlak olub - UNİCEF
UNICEF ötən həftəsonu ABŞ və İsrailin İrana qarşı başlatdığı hərbi əməliyyatlarla kəskinləşən gərginlikdə indiyədək 189 uşağın həyatını itirdiyini açıqlayıb. Təşkilatın hesabatında qeyd olunur ki, bölgədəki hərbi hərəkətlilik uşaqlar üzərində artıq dağıdıcı bir təsir yaradıb. İran İslam İnqilabı Keşikçiləri Korpusu və yerli mənbələrin məlumatına görə, hücumların ilk günündə İranın cənubundakı Minab şəhərində yerləşən Şəcərə-i Tayyibə adlı qızlar ibtidai məktəbi vurulub. Hücum nəticəsində yaşları 7 ilə 12 arasında dəyişən azı 175 şagirdin həlak olduğu bildirilir. Görgü tanıqları və beynəlxalq mətbuat orqanları məktəbin bir hərbi kompleksin yaxınlığında yerləşdiyi üçün zərbəyə məruz qaldığını, lakin binanın tamamilə mülki məqsədlər üçün istifadə edildiyini təsdiqləyib.
Sudanda məcburi köçkün düşərgəsinə dron zərbəsi: azı 15 uşaq həlak olub
BMT-nin Uşaq Fondunun (UNICEF) məlumatına görə, Sudanın Qərbi Kordofan bölgəsində məcburi köçkün düşərgəsinə endirilən dron zərbəsi nəticəsində azı 15 uşaq ölüb. UNICEF-in 18 fevral tarixli bəyanatında bildirilir: 16 fevralda Əl-Sunut ərazisində yerləşən məcburi köçkün düşərgəsinə dron zərbəsi endirilib, nəticədə azı 15 uşaq həlak olub, 10 uşaq yaralanıb.
130-dan çox ölkədə böhran vəziyyəti elan edilib - UNICEF
UNICEF-in icraçı direktoru Ketrin Rassel dünyadakı münaqişələr, iqlim şokları, iqtisadi qeyri-sabitlik və bərabərsizliyin uşaqlar üzərində böyük təzyiq yaratdığını bildirib. O, 2026-cı ildə 130-dan çox ölkədə 200 milyondan çox uşağın humanitar yardıma ehtiyacı olacağını vurğulayıb. Rasselin sözlərinə görə, uşaqların qarşılaşdığı çətinliklər getdikcə daha mürəkkəb və qütbləşmiş xarakter alır.
