ABŞ Silahlı Qüvvələri Venesuelanın paytaxtında bənzəri olmayan hərbi əməliyyat həyata keçirib - Tramp
ABŞ Silahlı Qüvvələri Venesuelanın paytaxtında bənzəri olmayan hərbi əməliyyat keçirib. Bunu ABŞ Prezidenti Donald Tramp bu gün keçirilən mətbuat konfransında deyib. “Hərbi əməliyyatın həyata keçirilməsi üçün ABŞ-ın hava, quru və dənizdən ibarət hərbi gücü səfərbər edildi; bu, insanların İkinci Dünya müharibəsindən bəri görmədiyi miqyasda bir zərbə idi. Əməliyyat Karakasın mərkəzində yerləşən güclü şəkildə möhkəmləndirilmiş hərbi istehkamı hədəf alaraq, qanundan kənar elan edilmiş diktator Nikolas Maduronun məsuliyyətə cəlb edilməsi məqsədi daşıyırdı”, - deyə o bildirib.
Maduro və həyat yoldaşı Nyu Yorkda ittiham aktından sonra cinayət məsuliyyətinə cəlb olunacaq - ABŞ baş prokuroru
Maduro və həyat yoldaşı Nyu Yorkda ittiham aktından sonra cinayət məsuliyyətinə cəlb olunacaq. Bu barədə xarici KİV-lər məlumat yayıb. ABŞ baş prokuroru Pam Bondi bildirib ki, devrilmiş Venesuela lideri Nikolas Maduro və həyat yoldaşı Silia Flores Nyu Yorkda irəli sürülmüş ittiham aktından sonra cinayət məsuliyyətinə cəlb olunacaqlar. Bondi sosial şəbəkə hesabındakı paylaşımında vurğulayıb ki, bu cütlük tezliklə Amerika torpağında, Amerika məhkəmələrində Amerikanın ədalətinin bütün sərtliyi ilə üzləşəcək.
Lukaşenko ABŞ-ın Venesuelaya hücumlarını pisləyib
Belarus prezidenti Aleksandr Lukaşenko ABŞ-ın Venesuelaya qarşı həyata keçirdiyi hərbi əməliyyatları qəti şəkildə pisləyib. Eysmont bildirib ki, Lukaşenko ABŞ-ın hərbi təcavüz aktını qəbuledilməz hesab edir və bunun region üçün ciddi nəticələr doğura biləcəyini vurğulayıb. O, daha əvvəl ABŞ nümayəndələrinə açıqlayıb ki, ABŞ və Venesuela arasında hipotetik konflikt “ikinci Vyetnam” kimi fəsadlarla nəticələnə bilər.
Maduro hekayəsi: Populizm, avtoritarizm və ABŞ müdaxiləsi fonunda Venesuela
On ildən artıq bir müddətdə Nikolas Maduro Latın Amerikasının ən dərin siyasi, sosial və iqtisadi böhranlarından birinə rəhbərlik edir. O, 2013-cü ildə Uqo Çavesdən prezidentliyi təhvil aldıqda Venesuela hələ də inqilab dilindən, sosial transformasiya vədlərindən bəslənirdi. Amma bu gün ölkə repressiya, kütləvi miqrasiya və dövlət institutlarının çökməsi ilə üzləşib. Buna baxmayaraq, Maduro hakimiyyətdə qalır. Bəs cazibəsi olmayan, iqtisadiyyatı çökmüş bir ölkəni idarə edən bir liderin hakimiyyətdə qalmasının sirri nədir? Cavab populist performansın, avtoritar nəzarətin və praqmatik uyğunlaşmanın qarışığında gizlənir.
Rubio açıqladı - Maduro ABŞ-da saxlanılır
"Yalnız indi Marko Rubio ilə telefon danışığını bitirdim. O mənə bildirdi ki, Nikolas Maduro ABŞ-ın hərbi qüvvələri tərəfindən cinayət ittihamları üzrə məhkəmə araşdırmasının aparılması üçün saxlanılıb və bu gün müşahidə etdiyimiz hərbi tədbirlər həbs orderini icra edənlərin qorunması üçün həyata keçirilib"- bu açıqlama ABŞ senatoru, respublikaçı Mayk Li tərəfindən paylaşılıb.
ABŞ hücumları bizi əyə bilməyəcək - Venesuela MN
ABŞ Prezidenti Donald Tramp ABŞ qüvvələrinin yanvarın 3-də Venesuelaya zərbə endirdiyini təsdiqləyib. O həmçinin bəyan edib ki, ölkə lideri Nikolas Maduro və onun həyat yoldaşı Sesil Flores ələ keçirilərək ölkədən çıxarılıb. Venesuela hökuməti və Müdafiə Nazirliyi isə vətəndaşları sakitliyə və milli birliyə səsləyərək, hər hansı anarxiya və xaosa yol verməməyin vacibliyini vurğulayıb. Hazırda bölgədə vəziyyət gərgin olaraq qalır və beynəlxalq ictimaiyyət hadisələri yaxından izləyir.
Venesuela narkotik qaçaqmalçılığı ilə mübarizə üçün ABŞ ilə dialoqa hazırdır - Maduro
Venesuela Prezidenti Nikolas Maduro ABŞ administrasiyasının təzyiqləri və hərbi əməliyyatları davam etdirdiyi bir vaxtda Karakasın narkotik qaçaqmalçılığı ilə mübarizə məsələsində Vaşinqtonla konstruktiv dialoqa hazır olduğunu bəyan edib. Maduro, ABŞ ilə bu sahədə razılaşma üzrə danışıqlara açıq olduqlarını bildirib, lakin ötən həftə Mərkəzi Kəşfiyyat İdarəsinin (CIA) Venesueladakı bir limana təşkil etdiyi iddia edilən pilotsuz uçuş aparatı hücumu ilə bağlı şərh verməkdən imtina edib.
ABŞ Puerto Rikoda F-35A qırıcıları yerləşdirərək bölgədəki qüvvələrini gücləndirib
ABŞ Hərbi Hava Qüvvələrinin beşinci nəsil “F-35A Joint Strike” qırıcılarından ibarət eskadrilya Puerto Rikodakı Ruzvelt Rods Hərbi Hava Qüvvələri bazasına çataraq bölgədəki ABŞ qüvvələrini gücləndirib. Qeyd olunur ki, bundan əvvəl sözügedən bazada ABŞ Hərbi Dəniz Qüvvələrinə məxsus 10 ədəd F-35B qırıcı təyyarəsi yerləşdirilmişdi. Nəşrin yazdığına görə, F-35A qırıcılarının bölgəyə göndərilməsi Venesuela prezidenti Nikolas Maduroya istefa verməsi üçün siyasi və hərbi təzyiq göstərilməsi missiyasının tərkib hissəsi olub.
Venesuela lideri ABŞ ictimaiyyətini sülhün əsas təminatçısı kimi dəyərləndirib
Venesuela Prezidenti Nikolas Maduro bildirib ki, ABŞ ictimaiyyəti ölkəsinə qarşı mümkün hərbi qarşıdurmaya imkan verməyəcək. Maduro, ABŞ-nin Karib hövzəsindəki hərbi fəallığına, eləcə də Çilidə keçirilmiş prezident seçkilərinin nəticələrinə toxunub. O iddia edib ki, ABŞ-də bəzi dairələr Venesuelaya qarşı “məntiqsiz və təhlükəli müharibə” başlatmaq niyyətindədir.
ABŞ Venesuela sahillərində neft tankerini ələ keçirdi
ABŞ hökuməti Venesuela sahilləri açığında sanksiyaya məruz qalmış neft tankerini ələ keçirib. ABŞ Baş prokuroru Pam Bondi bildirib ki, FBI, Daxili Təhlükəsizlik Nazirliyi və Sahil Mühafizəsi ABŞ ordusunun dəstəyi ilə Venesuela və İran neftinin daşınmasında iştirak edən tankerin müsadirəsi üzrə orderi həyata keçirib. Onun paylaşdığı videoda iki helikopterin gəmi üzərinə enməsi və silahlı şəxslərin tankerə endiyi görünür.
Venesuelaya qarşı əməliyyatları genişləndiririk - Tramp
ABŞ Prezidenti Donald Tramp Venesuelaya qarşı narkotiklərlə mübarizə çərçivəsində həyata keçirilən əməliyyatların yaxın vaxtlarda qurudan müdaxilələrlə də genişlənəcəyini bəyan edib. Ağ Evdə keçirdiyi mətbuat konfransından sonra jurnalistlərin suallarını cavablandıran Tramp administrasiyasının Venesuela üzərində təzyiqi artırdığını vurğulayıb.
Müharibə yox, sülh istəyirik - Maduro
Venesuela Prezidenti Nikolas Maduro paytaxt Karakasda keçirilən Bolivarcı İcma Komandanlarının andiçmə mərasimində çıxışı zamanı rəqs edərək ABŞ-a “sülh” çağırışı edib. Tədbir hakim Birləşmiş Sosialist Partiyası tərəfindən təşkil olunub. Mərasimdə öz sözlərinin remiks edilmiş versiyasının müşayiəti ilə rəqs edən Maduro, “Müharibə? Qətiyyən yox. Müharibəyə yox, xahiş edirəm sülh olsun”, – deyərək Venezuela hökumətinin gərginlik deyil, dialoq istədiyini bildirib.
