Türkiyə səhralaşma təhlükəsi ilə üz-üzədir

BMT-nin son hesabatına görə, Türkiyə ərazisinin 88 faizi səhralaşma təhlükəsi ilə üzləşib və 21-ci əsrin sonuna qədər ölkədə yağıntıların 30 faiz azalacağı proqnozlaşdırılır. Birləşmiş Millətlər Təşkilatının 2023–2025-ci illəri əhatə edən “Dünya Quraqlıq Qaynar Nöqtələri” adlı hesabatı Aralıq dənizi hövzəsində ciddi iqlim risklərini ortaya qoyur. Hesabatda qeyd olunur ki, bölgədəki temperatur artımı torpağın rütubətini azaldır, yeraltı suların səviyyəsini aşağı salır və buxarlanmanı artıraraq su ehtiyatlarını təhlükə altına salır.