İstənilən təhdidə qəti cavab verməyə hazırıq - SEPAH komandiri
SEPAH-ın Quru Qoşunlarının komandanı Məhəmməd Kərəmi İranın şimal-qərbində yerləşən qüvvələrin yüksək hazırlıq vəziyyətində olduğunu bildirib. Onun sözlərinə görə, Həmzə Seyyid əş-Şühəda qərargahının qüvvələri regiondankənar düşmənlər və terror qruplarının mümkün addımlarına qarşı hazırdır. Komandan kəşfiyyat imkanları, müasir texnologiyalar və əməliyyat hazırlığının yüksək səviyyədə olduğunu vurğulayıb. O, istənilən təhdidə qəti cavab veriləcəyini bəyan edib. Açıqlama Məhəmməd Kərəminin X sosial şəbəkəsindəki paylaşımında yer alıb. İran rəsmisi ölkənin müdafiə hazırlığının davam etdiyini bildirib.
Hörmüz boğazında ABŞ-ın MQ-9 PUA-sı vurulub
İran mediası Hörmüz boğazı üzərində ABŞ-a məxsus MQ-9 tipli pilotsuz uçuş aparatının (PUA) vurulduğunu iddia edib. İran İslam İnqilabı Keşikçiləri Korpusunun (SEPAH) Hava-Kosmik Qüvvələrinin hava hücumundan müdafiə bölmələri ABŞ-a məxsus MQ-9 tipli PUA-nı aşkar edərək vurub.
İran SEPAH-ı Hörmüz boğazında iki neft tankerini vuraraq dayandırdığını iddia edib
İran SEPAH-ı Hörmüz boğazında iki neft tankerini vuraraq dayandırdığını iddia edib. Tehran tankerlərin icazəsiz marşrutdan istifadə etdiyini bildirir. İranın məlumatına görə, tankerlər ABŞ hərbi qüvvələrinin havadan müşayiəti altında hərəkət edirdi. SEPAH daha dörd tankerin də marşrutunu dəyişdiyini açıqlayıb. ABŞ Mərkəzi Komandanlığı bu iddiaları hələ şərh etməyib. UKMTO da bölgədə hücum qeydə almadığını bildirib. Hadisə ilə bağlı müstəqil təsdiq hələlik yoxdur.
ABŞ İranın "Mahan Air" aviaşirkətini dəstəkləyən şəbəkələrə qarşı yeni sanksiyalar tətbiq edib
ABŞ İranın "Mahan Air" aviaşirkətini dəstəkləyən beynəlxalq şəbəkələrə qarşı yeni sanksiyalar tətbiq edib. Sanksiyalar Çin, Hindistan, Rusiya və İrandan altı hüquqi və fiziki şəxsi əhatə edir. Vaşinqton "Mahan Air"in SEPAH-ın şəxsi heyətini, silah və pilotsuz aparatları daşıdığını bildirir. ABŞ həmçinin SEPAH-la əlaqəli olduğu iddia edilən bir şirkəti də sanksiya siyahısına əlavə edib. Yeni qərar Damietta limanında baş verən pilotsuz aparat hücumundan sonra açıqlanıb. ABŞ bu addımın İranın regional fəaliyyətlərini dəstəkləyən şəbəkələri zəiflətməyə xidmət etdiyini bildirib. Sanksiyalar İranın logistika və maliyyə imkanlarını məhdudlaşdırmağı hədəfləyir.
ABŞ ordusu İranın İordaniyadakı aviabazaya hücumu ilə bağlı iddiaları təkzib edib
ABŞ ordusu İranın İordaniyadakı Əl-Əzraq aviabazasına hücum nəticəsində F-35 təyyarələrinin məhv edildiyi barədə iddiaları təkzib edib. CENTCOM heç bir ABŞ təyyarəsinin zədələnmədiyini açıqlayıb. Bildirilib ki, İranın bütün raket və pilotsuz aparatları zərərsizləşdirilib və ya hədəflərinə çatmayıb. ABŞ ordusu "M/T Nora" tankerinin İran limanlarına tətbiq olunan blokadanı yardığı barədə məlumatı da yalan adlandırıb. CENTCOM bölgədə 20-dən çox hərbi gəmi, yüzlərlə təyyarə və minlərlə hərbçinin xidmət apardığını bildirib. Açıqlamada blokadanın tam şəkildə icra olunduğu vurğulanıb. ABŞ tərəfi İranın irəli sürdüyü iddiaların həqiqəti əks etdirmədiyini bəyan edib.
İran üç ABŞ qırıcısını məhv etdiyini açıqlayıb
SEPAH İordaniyanın əl-Əzraq aviabazasına raket zərbəsi endirdiyini açıqlayıb. Qurum üç ABŞ-yə məxsus F-35 qırıcısının məhv edildiyini iddia edir. Hücumun ABŞ-nin Qeşm adasına endirdiyi zərbəyə cavab olduğu bildirilib. ABŞ və İordaniya bu iddiaları hələ şərh etməyiblər. Məlumatlar müstəqil şəkildə təsdiqlənməyib.
ABŞ-nin raket hücumu nəticəsində üç hərbçimiz həlak olub - SEPAH
SEPAH ABŞ-nin raket hücumu nəticəsində üç hərbçisinin öldüyünü açıqlayıb. Bəyanata görə, hadisə iyulun 30-da baş verib. Həlak olanların adları da ictimaiyyətə açıqlanıb. SEPAH hücuma görə ABŞ-ni məsuliyyət daşımaqda ittiham edib. Vaşinqton isə iddialara münasibət bildirməyib.
İordaniyadakı ABŞ hərbi bazasına raket zərbəsi endirilib - SEPAH
İran İslam İnqilabı Keşikçiləri Korpusu (SEPAH) İordaniyada yerləşən ABŞ-ın Əl-Əzraq hərbi hava bazasına bir neçə ballistik raketlə zərbə endirdiyini açıqlayıb. Bəyanatda iddia olunur ki, zərbə nəticəsində üç F-35 qırıcı təyyarəsi tamamilə məhv edilib, daha üç təyyarəyə isə ciddi ziyan dəyib. Həmçinin hücum zamanı bir neçə ABŞ hərbçisinin öldüyü bildirilib.
İran ABŞ-ın müttəfiqlərinə xəbərdarlıq edib
İran İslam İnqilabı Keşikçiləri Korpusu (SEPAH) ABŞ-ın İrana qarşı hücumlarına hər hansı formada dəstək verən ölkələri sərt cavabla hədələyib. SEPAH həmçinin bildirib ki, Hörmüz boğazının cənubunda təhlükəsiz hesab edilməyən marşrutla hərəkət etməyə çalışan daha iki neft tankerində partlayış baş verib. Məlumata görə, gəmilərdən birində baş verən güclü yanğından sonra hər iki tanker geri dönüb.
ABŞ və Səudiyyə Ərəbistanının zərbələri nəticəsində SEPAH-ın dörd üzvü ölüb - İran mediası
ABŞ və Səudiyyə Ərəbistanının zərbələri nəticəsində SEPAH-ın dörd üzvünün öldüyünü bildirilib. İranın rəsmi qurumları bu məlumatı hələlik təsdiqləməyib. Sosial şəbəkələrdə bayrağa bükülmüş tabutların fotoları yayılıb. Həmin görüntülərin həqiqiliyi müstəqil şəkildə təsdiqlənməyib. ABŞ və Səudiyyə Ərəbistanı məsələ ilə bağlı əlavə açıqlama verməyiblər. Hadisə ilə bağlı məlumatlar dəqiqləşdirilir.
Hörmüz boğazında üç neft tankeri dayandırılıb - SEPAH
SEPAH Hörmüz boğazında üç neft tankerini dayandırdığını açıqlayıb. İran tərəfi gəmilərin xəbərdarlıqlara əməl etmədiyini iddia edir. Tankerlərin kimə məxsus olduğu və hadisənin təfərrüatları açıqlanmayıb. Tehran Omanın sahilləri boyunca alternativ marşrutu qəbul etmədiyini bir daha bəyan edib. SEPAH ABŞ-ın bölgədəki fəaliyyətini də tənqid edib. ABŞ və gəmi sahibləri hələlik bu iddialara münasibət bildirməyiblər.
Müqtada əs-Sədr İrana çağırış etdi-İraqı münaqişəyə çəkməyin
Sədr hərəkatının lideri Muqtada əs-Sədr İran İnqilab Keşikçiləri Korpusunu (SEPAH) və qanunsuz silahlı qruplaşmaları İraq ərazilərini atəşə tutmamağa, ölkəni regional münaqişəyə sürüməməyə çağırıb.
