ABŞ nüvə məsələsində "daha real" mövqe nümayiş etdirir - Tehran

İran Xarici İşlər Nazirliyinin sözçüsü İsmayıl Baqai rəsmi İRNA agentliyinə açıqlamasında bildirib ki, Maskatda aparılan ilkin müzakirələr Vaşinqtonun yanaşmasında müsbət dəyişikliklərin olduğunu göstərir. Hazırda Cenevrədə olan İranın xarici işlər naziri Abbas Araqçı Beynəlxalq Atom Enerjisi Agentliyinin (BAEA) rəhbəri Rafael Qrossi ilə "dərin texniki müzakirələr" aparıb. Araqçı sosial media hesabında qeyd edib ki, Cenevrəyə ədalətli saziş əldə etmək üçün real ideyalarla gəlib, lakin "hədələr qarşısında təslim olmaq" variantı masada deyil.