Bəhreyn, ABŞ və Böyük Britaniya regional təhlükəsizliklə bağlı fövqəladə məsləhətləşmələr keçirib

Regionda artan hərbi gərginlik fonunda Bəhreyn, ABŞ və Böyük Britaniya təhlükəsizlik vəziyyətini müzakirə etmək üçün təcili məsləhətləşmələr keçirib. Bəhreyn Milli Kommunikasiya Mərkəzinin yaydığı məlumata görə, Manama “Təhlükəsizlik İnteqrasiyası və Rifah üzrə Kompleks Saziş”in ikinci maddəsini aktivləşdirərək fövqəladə məsləhətləşmələr prosesini başladıb. Məsləhətləşmələr saziş çərçivəsində fəaliyyət göstərən Müdafiə üzrə İşçi Qrupunun formatında keçirilib.