Bu gün Sultan Muradın şəhadəti ilə nəticələnən Birinci Kosovo döyüşü baş verdi
Tarixdə bu gün – 15 iyun 1389-cu ildə Balkanların gələcək siyasi xəritəsinə təsir göstərən ən mühüm hərbi qarşıdurmalardan biri olan Birinci Kosovo döyüşü baş verdi. Kosovo düzündə keçirilən döyüşdə Sultan I Murad rəhbərliyindəki Osmanlı ordusu ilə serb hökmdarı Lazar Hrebelyanoviç başçılıq etdiyi çoxmillətli Balkan ittifaqı üz-üzə gəldi.
I Muradın son zəfəri - Birinci Kosovo döyüşünün gizli qalan tarixi
Çirmən zəfərindən sonra Osmanlı qoşunları Qara Timurtaş Paşanın rəhbərliyi ilə Balkanların şimal və qərbinə doğru sürətlə irəliləməyə başladı. Monastır, Prilep və Niş kimi mühüm strateji məntəqələr ələ keçirildi. Lakin bu irəliləyiş xristian dünyasında böyük bir narahatlıq və müqavimət hərəkatının yaranmasına səbəb oldu.
