Tramp “CNN” müxbirini Ağ Evdə danladı
ABŞ Prezidenti Donald Tramp Ağ Evdə keçirilən tədbir zamanı “CNN” müxbiri Kristin Holmsla mübahisə edib və jurnalisti yüksək səslə danışmaqda və hörmətsizlikdə ittiham edib. Holms Cənubi Koreya ilə bağlı sualını davam etdirmək istəyərkən Tramp onun sözünü kəsərək jurnalistin tədbirdə iştirak edən 10 yaşlı uşağın qarşısında hörmətsiz davrandığını bildirib. Daha sonra onun hansı media qurumunda çalışdığını soruşan Tramp “CNN” cavabını aldıqdan sonra kanalı “saxta xəbər şəbəkəsi” adlandırıb.
Pakistan İran təyyarələri ilə bağlı iddiaları rədd etdi
Pakistan Xarici İşlər Nazirliyi İran hərbi təyyarələri ilə bağlı yayılan məlumatlara münasibət bildirib. Məlumata görə, Pakistan Xarici İşlər Nazirliyi bu məlumatları “yanıltıcı və sensasiya xarakterli” adlandırıb. Bildirilib ki, İran təyyarələri atəşkəs dövründə Pakistana gəlib və onların hər hansı hərbi əməliyyat və ya müdafiə planı ilə əlaqəsi yoxdur.
