İtaliya İsrail-Livan razılaşmasına diplomatik dəstək verməyə hazırdır

İtaliya İsrail və Livan arasında imzalanmış yeni razılaşmaya diplomatik dəstək verməyə hazır olduğunu açıqlayıb. Xarici işlər naziri Antonio Tajani bildirib ki, Roma həm razılaşmanın icrasına dəstək göstərməyə, həm də BMT missiyasından sonra mümkün beynəlxalq əməliyyata töhfə verməyə hazırdır. O, sənədi “irəliyə doğru mühüm addım” kimi qiymətləndirib, lakin sabitliyin tam bərpasının vaxt aparacağını deyib. Tajani İtaliya və Fransanın Livanın yenidən qurulmasında mühüm rol oynaya biləcəyini də vurğulayıb. Onun sözlərinə görə, beynəlxalq missiya yalnız çoxtərəfli razılaşma əsasında həyata keçirilməlidir. Eyni zamanda ərəb və Körfəz ölkələrinin prosesdə iştirakı istisna edilmir. Bu açıqlama regionda diplomatik fəallığın artdığı bir dövrdə verilib. Razılaşma Livanda siyasi və təhlükəsizlik mühitinin dəyişməsi kimi qiymətləndirilir.