Macarıstan prezidentinin səlahiyyətlərinə rəsmən xitam verilir
Macarıstan Prezidenti Tamaş Şuyok səlahiyyətlərinə xitam verən konstitusiya dəyişikliyini imzalayıb. Dəyişiklik Baş nazir Peter Macarın hakim Tisa Partiyası tərəfindən irəli sürülüb. Şuyok sənədi imzalamaqdan başqa hüquqi seçiminin olmadığını bildirib. Bununla belə, o, qərarın hüququn aliliyi və hakimiyyət bölgüsü prinsiplərinə zərər vurduğunu deyib. Prezidentin səlahiyyət müddətinə dərhal xitam veriləcək. Yeni dövlət başçısı seçilənədək prezidentin vəzifələrini parlament sədri müvəqqəti yerinə yetirəcək. İslahat Viktor Orban dövründə formalaşdırılmış siyasi təsir sisteminin dəyişdirilməsi siyasətinin bir hissəsi kimi təqdim edilir. Dəyişiklik deputatlar və Konstitusiya Məhkəməsinin hakimləri ilə bağlı yeni məhdudiyyətləri də nəzərdə tutur.
Macarıstan keçmiş polşalı nazirin qaçqın statusunu ləğv edib
Macarıstanın yeni hökuməti Polşanın keçmiş ədliyyə naziri Zbiqnev Zyobro və onun keçmiş müavini Marçin Romanovskinin qaçqın statusunu ləğv edib. Polşa hökuməti onların ölkəyə qaytarılması üçün addımlar atır. Keçmiş məmurlar səlahiyyətdən sui-istifadə ittihamları ilə üzləşirlər. Onların daha əvvəl Budapeştə qaçdıqları bildirilir. Qərardan sonra həmin şəxslər qaçqın yol sənədlərindən istifadə edə bilməyəcəklər. Məlumata görə, bu sənədlər onların Macarıstanı tərk etməsinə şərait yaratmışdı. Hadisə Macarıstanda yeni hökumətin işə başlamasından sonra gündəmə gəlib.
