Cey Kleyton bazar ertəsi ABŞ Milli Kəşfiyyatının direktoru vəzifəsinə başlayacaq
Cey Kleyton bazar ertəsi ABŞ Milli Kəşfiyyatının direktoru vəzifəsinin icrasına başlayacaq. Bu barədə müvəqqəti direktor Bill Pulte məlumat verib. ABŞ Senatı bu həftə Kleytonun namizədliyini təsdiqləyib. O, ABŞ-ın 18 kəşfiyyat qurumuna rəhbərlik edəcək. Kleyton bu vəzifədə Tulsi Qabbardı əvəz edəcək. Onun namizədliyi demokratların etirazı ilə qarşılanıb. Təsdiqləmə dinləmələrində Kleytonun 2020-ci il prezident seçkiləri ilə bağlı mövqeyi müzakirə mövzularından biri olub.
Cey Kleyton ABŞ-ın yeni Milli Kəşfiyyat Direktoru təyin edilib
ABŞ Senatı Prezident Donald Trampın namizədi Cey Kleytonu ölkənin yeni Milli Kəşfiyyat Direktoru (DNI) vəzifəsinə təsdiqləyib. Səsvermə zamanı Senat üzvləri partiya xətti üzrə mövqe nümayiş etdirib və namizəd 51 lehinə, 47 əleyhinə səslə təsdiqlənib. O, son aylarda geniş ixtisarlar aparılmış Milli Kəşfiyyat Direktoru Ofisinin rəhbərliyini üzərinə götürəcək. Bildirilir ki, qurumun əməkdaşlarının sayı əvvəlki rəhbərlik dövründə həyata keçirilən ixtisarlar nəticəsində əhəmiyyətli dərəcədə azalıb.
Tramp administrasiyası "The New York Times"ın jurnalistlərini ifadə verməyə çağırıb
ABŞ Ədliyyə Nazirliyi "The New York Times" qəzetinin bir neçə jurnalistini ifadə verməyə çağırıb. Məsələ Donald Tramp üçün Qətərin hədiyyə etdiyi yeni prezident təyyarəsi barədə dərc olunan materialla bağlıdır. Çağırış sənədləri federal böyük münsiflər heyəti qarşısında ifadə verməyi nəzərdə tutur. Qəzet bunu müstəqil mediaya təzyiq kimi qiymətləndirib. Ədliyyə Nazirliyi isə məqsədin məxfi məlumatların sızdırılmasını araşdırmaq olduğunu bildirib. Ağ ev məsələ ilə bağlı şərh verməyib. Mətbuat təşkilatları bu addımı söz azadlığına təhlükə adlandırıblar. Hadisə ABŞ-də media azadlığı ilə bağlı yeni müzakirələrə səbəb olub.
