Zeydi İnkişaf Yolu layihəsini sürətləndirmək üçün göstəriş verdi
İraqın Baş naziri Əli əz-Zeydi ölkədə sənaye şəhərlərinin yaradılması, hava limanlarının tikintisi və dəmir yolu xətlərinin çəkilməsini nəzərdə tutan İnkişaf Yolu layihəsinə xüsusi diqqət yetirilməsini tapşırıb. İraq Baş Nazirliyinin mətbuat xidmətinin məlumatına görə, Zeydi Milli İnvestisiya Şurasına baş çəkərək ölkənin müxtəlif vilayətlərində həyata keçirilən investisiya layihələri və onların icra mexanizmləri ilə tanış olub.
İraq Türkiyə şirkətlərinə çağırış etdi
İraq Baş naziri Əli Falih əz-Zeydi Türkiyə şirkətlərini ölkədəki strateji infrastruktur və enerji layihələrinə investisiya yatırmağa dəvət edib. İraq hökumətinin məlumatına görə, Zeydi Kalyon Holdinqin İdarə Heyəti sədrinin müavini Lütfi Elvan və onu müşayiət edən nümayəndə heyəti ilə görüşüb. Görüşdə iki ölkə arasında iqtisadi və investisiya əməkdaşlığının genişləndirilməsi, həmçinin Türkiyə şirkətlərinin İraqın inkişaf layihələrində iştirakı müzakirə olunub.
