Qətərin qlobal internet reytinqində yeri açıqlandı

Qətər 2026-cı il üzrə İKT İnkişaf İndeksində (IDI) 100 mümkün baldan 98.4 bal toplayaraq yenidən dünyanın ən yüksək bağlantı imkanlarına malik ölkələri sırasında qərarlaşıb. Bu göstərici dünya üzrə qiymətləndirilən 159 iqtisadiyyat arasında altıncı ən yüksək nəticədir. Qətər "Ümumi bağlantı" (Universal Connectivity) sütunu üzrə maksimum 100.0 bal, "Mənalı bağlantı" (Meaningful Connectivity) sütunu üzrə isə 96.7 bal əldə edib. Eyni zamanda, abunəçilərin orta hesabla ayda 1000 giqabayta yaxın internet istifadə etməsi ilə sabit genişzolaqlı məlumat axını üzrə dünyada ikinci ən yüksək göstəriciyə imza atıb.