Moldovada Vasile Tofanın rəhbərlik etdiyi yeni hökumət təsdiqləndi
Moldova parlamenti Vasile Tofanın rəhbərlik etdiyi yeni hökuməti təsdiqləyib. Yeni baş nazir iqtisadiyyatın bərpasını və Avropa İttifaqına inteqrasiyanı əsas məqsədlər kimi açıqlayıb. Hökumət proqramı “Avropa iqtisadiyyatı, effektiv dövlət” adlandırılıb. Moldova 2028-ci ilədək Aİ-yə üzvlük razılaşmasına, 2030-cu ilədək isə tam üzvlüyə hazırlaşmağı planlaşdırır. Prezident Maya Sandunun partiyası yeni hökuməti dəstəkləyib. Kabinet Avropa İttifaqı ilə danışıqları sürətləndirməyi qarşıya məqsəd qoyub.
DOST modeli Moldovada pilot mərhələdə tətbiq olunacaq
Azərbaycanın DOST modeli Moldovada pilot mərhələdə tətbiq ediləcək. Bu məqsədlə DOST Agentliyi ilə Moldova Respublikasının Milli Sosial Sığorta Kassası arasında Anlaşma Memorandumu imzalanıb. Sənəd sosial xidmətlərin daha səmərəli təşkili, “bir pəncərə” prinsipi əsasında xidmətlərin göstərilməsi və müasir sosial təminat sistemlərinin inkişafını nəzərdə tutur. Tərəflər DOST modelinin Moldova sosial sisteminə uyğunlaşdırılması üzrə əməkdaşlıq edəcəklər. Memorandum çərçivəsində təcrübə mübadiləsi, texniki dəstək və birgə layihələrin həyata keçirilməsi planlaşdırılır. Azərbaycan sosial xidmət sahəsində əldə etdiyi təcrübəni beynəlxalq əməkdaşlıq vasitəsilə paylaşmağa davam edir.
İstanbulda Azərbaycan və Moldova kənd təsərrüfatı nazirlərinin görüşü keçirilib
İstanbulda keçirilən görüşdə Azərbaycan və Moldova arasında kənd təsərrüfatı sahəsində əməkdaşlığın gələcək inkişaf istiqamətləri müzakirə olunub. Tərəflər ərzaq təhlükəsizliyi, iqlim dəyişikliklərinə uyğunlaşma, müasir texnologiyaların tətbiqi, kənd təsərrüfatı məhsullarının ixrac imkanlarının genişləndirilməsi və aqrar sahədə təcrübə mübadiləsi məsələlərinə xüsusi diqqət yetiriblər. Görüşdə həmçinin şərabçılıq, elmi tədqiqat, təhsil proqramları və aqrar sahənin rəqəmsallaşdırılması üzrə əməkdaşlığın gücləndirilməsi məsələləri ətrafında fikir mübadiləsi aparılıb.
Moldova MDB-dən çıxmaq barədə son qərarı qəbul etdi
Moldova parlamenti Müstəqil Dövlətlər Birliyinin (MDB) yaradılması haqqında sazişin və təşkilatın nizamnaməsinin denonsasiyasını nəzərdə tutan qanunları son oxunuşda qəbul edib. Qeyd olunub ki, bu addım Moldova hökumətinin Avropa İttifaqına inteqrasiya strategiyasının tərkib hissəsidir və ölkənin Avropa standartlarına uyğunlaşmasına xidmət edir.
Moldova İranın Naxçıvana zərbələrini pisləyib - Mixay Popşoi
Moldova Naxçıvan Muxtar Respublikasında mülki infrastruktura qarşı son hücumlar fonunda mülki obyektlərin vurulmasını və dinc sakinlərə yetirilən xəsarətləri qətiyyətlə pisləyir.
Bakıda Azərbaycan və Moldova XİN rəhbərlərinin görüşü keçirilib
Ceyhun Bayramov və Mixay Popşoi arasında geniştərkibli görüş keçirilib
Azərbaycan və Moldova XİN-ləri arasında Məsləhətləşmələr Planı imzalanıb
Bu barədə Xarici İşlər Nazirliyinin "X" sosial şəbəkə hesabında paylaşım edilib
“İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi” mövzusunda beynəlxalq konfrans keçirilir
Bu gün Bakıda İtkin düşmüş şəxslər üzrə Bakı Dialoqu çərçivəsində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkilatçılığı ilə "İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi" mövzusunda beynəlxalq konfrans keçirilir.
Moldovada xalq yeni parlament üzvlərini seçmək üçün səsverməyə başlayıb
14 siyasi partiya, 4 siyasi blok və 4 müstəqil namizədin iştirak etdiyi seçkilərdə seçki məntəqələri yerli vaxtla saat 21:00-da bağlanacaq. Moldova Mərkəzi Seçki Komissiyasının məlumatına görə, ümumilikdə 3 milyon 299 min seçici qeydə alınıb, onlardan 1 milyon 98 mini xaricdə yaşayır. Ölkənin 36 bölgəsində və xarici ölkələrdəki səfirliklərdə səsvermə yerli vaxtla saat 07:00-da başlayıb. Deputat seçkiləri üçün ümumilikdə 2 min 274 seçki məntəqəsi qurulub. Bunlardan 301-i xaricdə, 12-si Moldova daxilində birtərəfli müstəqilliyini elan etmiş “Transdinyester” bölgəsində, 68-i isə Qaqauz Muxtar Bölgəsində yerləşir.
Türkiyə 18 ölkənin siyasi partiyaları ilə əməkdaşlıq memorandumu imzalayıb
Türkiyənin hakim Ədalət və İnkişaf Partiyası (AK Parti), partiyanın Xarici Əlaqələr Şöbəsinin koordinasiyası ilə Rusiya, Çin, Azərbaycan, Cənubi Afrika və Kuba da daxil olmaqla 18 ölkədən 18 siyasi partiya ilə əməkdaşlıq memorandumu imzalayıb. Son dövrlərdə Ədalət və İnkişaf Partiyası bu memorandumlardan Qazaxıstan, Moldova, Monqolustan, Rusiya, Ekvatorial, Cənubi Afrika, Azərbaycan, Kuba, Şimali Kipr Ruanda, Kosova, Kamboca, Çin, Somali, Efiopiya, Cibuti, Özbəkistan ı və Serbiya dövlətlərinin partiyaları ilə imzalayıb.
Tramp Orbanı Ukraynanın Aİ-yə üzvlüyü mövzusunda yumşalmağa razı salıb
ABŞ Prezidenti Donald Tramp, Macarıstanın Baş naziri Viktor Orbanı Ukraynanın Avropa İttifaqına (Aİ) üzvlüyünə dair mövqeyini dəyişməyə razı salıb. Politico nəşri bu barədə Avropa diplomatik dairələrindəki mənbələrə istinadən məlumat yayıb.
ABŞ Aİ və 68 ölkəyə qarşı rüsumlar tətbiq edib
Yeni rüsumlar avqustun 7-dən qüvvəyə minəcək. Bu müddət, gömrük və sərhəd xidmətinə yeni rüsumların tətbiqi ilə bağlı zəruri dəyişiklikləri həyata keçirmək üçün verilib.
