Yaponiyadan Sakit okeanda kritik həmlə: "ASM-3 Kai" həm gəmiləri, həm təyyarələri vuracaq
Yaponiya Müdafiə Nazirliyi son büdcə sənədində reaktiv mühərrikli (ramjet) "ASM-3 Kai" raketini həm gəmi əleyhinə, həm də "hava-hava" tipli hədəfləri vurmaq üçün ikili təyinatlı raket kimi istifadə etməyi planlaşdırdığını açıqlayıb. Sakit okeanda daha uzaqmənzilli zərbə imkanları axtarışında olan Tokio yeni hazırlanacaq "ASM-3 Kai" modelinə hava hədəflərini məhv etmə qabiliyyəti əlavə etmək qərarına gəlib.
Günəş ölkəsində İslamın izi: Yaponiyada müsəlman icması
Yaponiyada İslamın tarixi, digər Asiya ölkələri ilə müqayisədə nisbətən qısa olsa da, həm tarixi, həm də müasir dövrdə diqqətəlayiq inkişaf mərhələlərindən keçib. İslam bu ölkədə ən kiçik azlıq dinlərindən biri hesab olunur. 2020-ci ilin əvvəlinə olan məlumata görə, Yaponiyada müsəlmanlar ümumi əhalinin təxminən 0,18 faizini təşkil edib.
Yaponiyada müsəlmanları harada dəfn edirlər?
Yaponiyada dəfn məsələsi uzun müddət ictimai müzakirə mövzusu olmayıb. Onilliklər ərzində ölkədə vida mərasiminin yeganə forması demək olar ki, yalnız kremasiya olduğundan, torpağa dəfn, açıq qəbiristanlıqlar və monumental məzarlar kimi ənənələr Yaponiyada məhz mövcud deyil. Ərazisinin 75%-i dağlardan ibarət olan və şəhərlərin hər kvadrat metr uğrunda rəqabət apardığı ölkədə ölüm də məkan çatışmazlığı və sərt memarlıq-kültür normalarına tabe edilmiş, nəticədə kremasiya əhalinin 99%-dən çoxu üçün alternativsiz hala çevrilmişdir.
Yaponiya Baş naziri hökumət üzvləri ilə birlikdə öz maaşını azaltmağı planlaşdırır
Yaponiya Baş naziri Sanai Takaiçi dövlət sektorunda çalışan məmurların maaşları ilə bağlı qanuna yenidən baxaraq, özünün və bütün kabinet üzvlərinin maaşlarının azaldılmasını planlaşdırır. Qanun dəyişiklikləri parlamentin hazırkı fövqəladə sessiyası çərçivəsində müzakirə ediləcək.
“Dəmir qadın” Sanai Takaiçi - Yaponiyanın ilk qadın baş naziri
Yaponiyanın siyasi səhnəsi 21 oktyabr tarixində tarixi bir hadisəyə şahidlik etdi - Liberal Demokrat Partiyasının lideri Sanai Takaiçi baş nazir seçildi. Beləliklə, o, ölkə tarixində bu vəzifəyə gələn 104-cü şəxs və ilk qadın baş nazir oldu. Bu qərar, Yaponiya üçün mürəkkəb geosiyasi çağırışların yaşandığı və ölkənin Hind–Sakit okean regionunda sabitlik və rifah dayağı kimi mövqeyini gücləndirməyə çalışdığı bir vaxtda atıldı.
