BAKI, VOA
Tunisin turizm gəlirləri 2026-cı ilin əvvəlindən avqustun 10-dək 1,6 milyard dolları ötüb.
Tunis Mərkəzi Bankının məlumatına görə, ölkənin turizm gəlirləri 10 avqusta qədər 4,72 milyard Tunis dinarına (1,61 milyard dollar) çatıb. Bu, ötən ilin eyni dövrü ilə müqayisədə 217 milyon dinar (74 milyon dollar) və ya 4,82 faiz çoxdur.
Tunis ilin əvvəlindən iyulun sonunadək təxminən 6 milyon turist qəbul edib. Ölkə 2026-cı ilin sonuna qədər turist sayını 12 milyondan çoxa çatdırmağı hədəfləyir.
Xaricdə yaşayan tunisli vətəndaşların pul köçürmələri də artıb. Avqustun 10-dək bu göstərici 5,57 milyard dinar (1,90 milyard dollar) təşkil edib.
Beləliklə, turizm gəlirləri və xaricdən pul köçürmələrinin ümumi həcmi ilin əvvəlindən 10,29 milyard dinara (3,51 milyard dollar) çatıb.
