Bakı, AzerVoice:
Qətər Özbəkistanda təhsil və əyləncə parkının tikintisində maraqlıdır.
AzerVoice xəbər verir ki, bu barədə razılaşma Özbəkistanın Dohadakı səfirliyinin dəstəyi ilə Qətərin “Power International Holding” (PIH) və Özbəkistanın “Silk Road Invest Group” MMC rəhbərliyi arasında danışıqlar zamanı əldə edilib.
Məlumata əsasən, danışıqlar çərçivəsində Daşkənddə 180 hektar sahədə ümumi dəyəri 300 milyon ABŞ dolları olan “Silk Road Land” Təhsil və Əyləncə Parkı layihəsinin həyata keçirilməsi məsələləri müzakirə olunub. Layihənin biznes planı Qətər tərəfinə təqdim olunub.
Görüşdən sonra tərəflər arasında memorandum imzalanıb. Layihənin həyata keçiriləcəyi əraziyə baxış keçirmək və layihə şərtlərini müzakirə etmək üçün fevralın ikinci yarısında “Power International Holding” şirkətinin nümayəndələrinin səfəri barədə razılıq əldə olunub.
