Bakı. AzerVoice:

Türkiyə prezidenti Rəcəb Tayyib Ərdoğan fevralın 6-da zəlzələ bölgəsində olacaq.

AzerVoice-un məlumatına görə, Ərdoğanın səfərləri zamanı bölgədə gedən işlərlə tanış olması və zəlzələdən sonra inşası başa çatan mənzillərin təhvil verməsi gözlənilir.

Bu çərçivədə həftə sonu Hatay və Qaziantepə gedəcək Ərdoğan, həftə içi Kahramanmaraş, Şanlıurfa, Adıyaman və Elazığ vilayətlərinə səfər edəcək.

Prezident Ərdoğanın yaxın günlərdə zəlzələdən zərər çəkmiş digər əyalətlərə də səfər edəcəyi gözlənilir.

Xatırladaq ki, 2023-cü il fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Zəlzələ nəticəsində ölənlərin sayı 50 min 783-ə çatıb.

Aytac Süleymanova

Twitter: a_alieva_