Bakı. AzerVoice:
İstanbul Ədliyyə Sarayında polis bölməsində törədilən terror aktı ilə bağlı istintaq davam edir. Hücumla əlaqədar müəyyən edilərək saxlanılanların sayı 93-ə yüksəlib.
AzerVoice-un məlumatına görə, DHKP-C-li iki terrorçunun ölü olaraq ələ keçirildiyi hücumdan sonra terrorçularla təmasda olan şəxslərlə bağlı istintaq başladılıb.
Göstərilən ünvanlarda təşkil edilən əməliyyatlar zamanı 93 şübhəli saxlanılıb.
Şübhəlilər sağlamlıqları yoxlanılaraq yenidən Polis İdarəsinə aparılıblar. Şübhəlilər barəsində məhkəmə prosesi davam etdirilir.
Qeyd edək ki, 6 fevral tarixində Türkiyədə İstanbul Çağlayan Ədliyyə binasına hücum cəhdi olub. Hadisə nəticəsində iki hücumçu ölü ələ keçirilib, üçü polis olmaqla beş nəfər yaralanıb.
Aytac Süleymanova
Twitter: a_alieva_
