Bakı. AzerVoice:
Türkiyə turizm gəlirlərini 60 milyard dollara çatdırmağı hədəfləyir.
AzerVoice xəbər verir ki, bu barədə Türkiyənin mədəniyyət və turizm naziri Mehmet Nuri Ersoy açıqlama verib.
Məlumata əsasən, 2023-cü ildə 56,7 milyon turist Türkiyəyə səyahət edib ki, bu da 2022-ci illə müqayisədə 10 faiz çoxdur. 2023-cü ildə Türkiyənin turizm gəlirləri isə 54,3 milyard dollar təşkil edib.
Qeyd edək ki, 2022-ci ildə Türkiyənin turizmdən əldə etdiyi gəlirlər 46,5 milyard dollar təşkil edib.
