Bakı. AzerVoice:
2023-cü ildə Türkiyədə 44 min 133 nəfər Qazaxıstan əsilli Türkiyə vətəndaşı qeydə alınıb ki bu da, 2022-ci ildə Türkiyə vətəndaşlığı alan qazaxıstanlıların sayından 1 397 nəfər azdır.
AzerVoice xəbər verir ki, keçən il Türkiyədə qeydə alınan Qazaxıstan əsili Türkiyə vətəndaşlarından qadın olanların sayı 25 min 696 nəfər təşkil edib ki, bu da 2022-ci ildə qeydə alınan qadın vətəndaşlardan 989 nəfər azdır.
Türkiyədə qeydə alınan Qazaxıstan əsili Türkiyə vətəndaşlarından kişi olanların sayı 18 min 437 təşkil edib ki, bu da 2022-ci ildə qeydə alınan kişi vətəndaşlardan 408 nəfər azdır.
Qeyd edək ki, Türkiyənin əhalisi 2023-cü ildə bir əvvəlki ilə görə 92 min 824 nəfər artaraq 85 milyon 372 min 377 nəfərə çatıb.
Müvafiq olaraq, 2022-ci il etibarilə 85 milyon 279 min 553 olan ölkə əhalisi, keçən il 92 min 824 nəfər artaraq 85 milyon 372 min 377 nəfərə çatıb. Əhalinin kişi sayının göstəricisi 50,1 faiz (42 milyon 734 min 71 nəfər), qadınların sayı isə 49,9 faiz (42 milyon 638 min 306 nəfər) olub. Əhalinin illik artım tempi 2022-ci ildə 7,1 olduğu halda, 2023-cü ildə mində 1,1-ə düşüb. Şəhər və rayon mərkəzlərində yaşayan əhalinin nisbəti 2022-ci ildə 93,4 faiz, 2023-cü ildə isə 93 faiz təşkil edib. Şəhər və kəndlərdə yaşayan əhalinin xüsusi çəkisi 6,6 faizdən 7 faizə yüksəlib.
