BAKI, AzerVoice, Nailə Babazadə
Türkiyə Milli Müdafiə Nazirliyi, son bir həftə ərzində İraqın şimalındakı sığınacaq bölgələrindən qaçan daha 5 PKK terrorçusunun təslim olduğunu bildirib.
AzerVoice xəbər verir ki, Türkiyə Milli Müdafiə Nazirliyi-nin Mətbuat və İctimaiyyətlə Əlaqələr Müşaviri və Nazirliyin sözçüsü Zeki Aktürk, nazirlikdə keçirilən həftəlik mətbuat brifinqində çıxış edib.
Aktürk, Türkiyə Silahlı Qüvvələrinin ölkənin əmin-amanlığı, təhlükəsizliyi və sabitliyi üçün həyata keçirdiyi əməliyyatlar və axtarış fəaliyyəti barədə məlumat verib.
“Son bir həftə ərzində İraqın şimalındakı sığınacaq bölgələrindən qaçan 5 PKK terrorçusu daha təslim olub. Sərhəd təhlükəsizliyi çərçivəsində isə ötən bir həftədə 7-si terrorçu olmaqla ümumilikdə 239 nəfər yaxalanıb. 1 yanvar tarixindən bu günə qədər qanunsuz yollarla keçməyə çalışanların ümumi sayı 4 min 496 nəfərə çatıb.” - deyə Aktürk qeyd edib.
Son bir həftədə keçidi əngəllənən 869 nəfərlə birlikdə, bu il ərzində əngəllənən ümumi insan sayı 45 min 159 nəfər olub.
“Suriyadakı əməliyyat bölgələrində davam edən 'tunel məhv etmə' fəaliyyəti çərçivəsində, son bir həftədə Münbiç bölgəsində məhv edilən 11 kilometr uzunluğundakı tunellə birlikdə, Tel Rıfat və Münbiç daxil olmaqla ümumi məhv edilən tunel uzunluğu 528 kilometrə çatıb.” - deyə Aktürk vurğulayıb.
