BAKI,VOA, Nailə Babazadə
Qazaxıstanın paytaxtı Astana şəhərində Birləşmiş Millətlər Təşkilatı ilə əməkdaşlıq çərçivəsində təşkil olunan Regional Ətraf Mühit Sammiti işinə başlayıb.
VOA xəbər verir ki, Expo Konqres Mərkəzində keçirilən zirvə görüşünün açılış sessiyasında Qazaxıstan Prezidenti Kasım-Jomart Tokayev ilə yanaşı Qırğızıstan Özbəkistan Türkmənistan Tacikistan Monqolistan və Ermənistan prezidentləri həmçinin Azərbaycanın Baş naziri Əli Əsədov və Gürcüstanın dövlət başçısı iştirak ediblər.
Prezident Kasım-Jomart Tokayev sammitin açılışındakı çıxışında ətraf mühit problemlərinin yalnız iqlimlə məhdudlaşmadığını bildirərək ekologiyanın bəşəriyyətin varoluşunun təməli olduğunu vurgulayıb. Qlobal səviyyədə qeyri müəyyənliklərin artdığı bir dövrdə BMT-nin dialoq üçün əvəzedilməz platforma olduğunu qeyd edən Tokayev təşkilatın nizamnaməsinin bütöv şəkildə tətbiq edilməsinin vacibliyini xatırladıb.
Qazaxıstan lideri Orta Asiya ölkələrinin su qıtlığı səhralaşma buzlaqların əriməsi hava çirkliliyi və bioloji müxtəlifliyin itirilməsi kimi ortaq ekoloji təhdidlərlə üz üzə qaldığını deyib. O Qazaxıstanın iki min otuzuncu ilə qədər bərpa olunan enerji mənbələrinin payını on beş faizdən çox artırmağı və iri enerji müəssisələrindən atılan tullantıları təxminən otuz beş faiz azaltmağı hədəflədiyini açıqlayıb.
Aral gölünün ekoloji fəlakətin simvolu olduğunu xatırladan Kasım-Jomart Tokayev Qazaxıstanın Şimali Aralın otuz altı faizini yenidən canlandırmağa nail olduğunu qeyd edib. O eyni zamanda Xəzər dənizinin qorunmasının önəminə toxunaraq bu sahədə beynəlxalq əməkdaşlığın artırılması üçün çağırış edib. Çox sayda beynəlxalq təşkilat və mütəxəssisin qatıldığı sammit aprelin iyirmi dördündə başa çatacaq.
